АҞӘА, жьҭаара 1 - Sputnik. Аԥсуаҭҵааратә институт ахыбра еиҭашьақәыргылахоит.
Аԥсны ахада Бадра Гәынбеи аинститут аколлективи иареи реиԥылараан, иара атәыла аиҳабыра анапынҵа риҭеит иааиуа ашықәс азы атәылаҿ реиҳа зхыҵуа аҭҵаарадырратә усбарҭа ахыбра аиҭашьақәыргылара иалагарц, абри атәы аанацҳауеит ахада ипресс-маҵзура.
Гәынба идикылаз аӡбамҭа атәы рылеиҳәеит аҭоурыхҭҵааҩцәа-кавказҭҵааҩцәа XII Жәларбжьаратәи рфорум аартраан данықәгылоз.