160 шықәса раԥхьа иҭыжьыз раԥхьатәи "Аԥсуа анбан" шәҟәы ҳмилаҭ рҵарадырра аҿиаразы ҵакыс иамоу атәы дазааҭгылеит Дырмит Гәлиа ихьӡ зху Аԥсуаҭҵаара институт аиҳабы Арда Ашәба.
Анбаншәҟәы аԥҵареи аҭыжьреи мраны игылеит иахьатәи абиԥаразы ҳәа иԥхьаӡоит аҵарауаҩ.
Абызшәеи аҩыреи ҳамамызҭгьы, ҳҿахәы ҳзымҳәо ҳаҟазҭгьы, иҿаҳау ауаҩы ҳеиԥшхон ҳәа азгәеиҭеит Ашәба.
1865 ашықәс азы "Аԥсуа анбан" шәҟәы еиқәыршәаны иҭыжьын, уи акыр аамҭа иакыз аԥсуа рҵагашәҟәны иҟан. Анбан шәҟәы аиқәыршәара алыршахеит абызшәаҭҵааҩы, аетнограф, азеижәтәи ашәышықәсазы кавказаҭҵаара знапы алакыз аруаҩ Пиотр Услар ибзоурала.
Инарҭбаау аиҿцәажәара — авидеонҵамҭаҿы.