АҞӘА, нанҳәа 26 -Sputnik. Аԥсны ахадарахь акандидат Олег Аршба икоманда Алхас Кәыҵниа аҩбатәи атур ахь дышнеиз азханаҵеит ҳәа Sputnik акорреспондент иеиҳәеит Леонид Лакербаиа. Уаанӡа абри атәы иҳәахьан ахада ихаҭыԥуаҩыс ицоз Олег Барцыц.
"Аинформациатә маҵзурақәа маҷымкәа ҳара аҩбатәи атур ахь ҳнеиит шырҳәазгьы абыжьқәа анаҳаԥхьаӡа иаабеит 90 бжьы рыла Кәыҵниа аԥыжәара шиоуз. Ҳара Алхас Кәыҵниеи апартиа "Амцахара" ирыдаҳныҳәалоит, - иҳәеит Лакербаиа.
Атәыла ахада иалхрақәа аҩбатәи ртур мҩаԥгахоит ҩымчыбжьа ирхымгакәа.
Ахадас иалххо аҩбатәи атур аан асиа иану алхыҩцәа рҟынтәи 25 процент иреиҵамкәа абжьы зауз иоуп. Аҩбатәи атур аан акандидат дырзаллымхыр АКХ аиҭалхрақәа рыланаҳәоит.
Аԥсны ахада иалхразы актәи атур мҩаԥысит амҽыша, нанҳәа 25 рзы.
Иара убас шәаԥхьар ҟалоит:
- Аршбеи Ҳаџьымбеи рыштабқәа рҿы ахҳәаақәа ҟарҵеит
Алхратә штабқәа абжьыҭара алҵшәақәа рзы заанаҵтәи адыррақәа ҟарҵеит