АҞӘА, абҵара 8 - Sputnik, Бадри Есиава. Амилаҭтә банк иҭнажьит аԥсар ҿыцқәа хԥа "Аԥсны иналукааша ахаҿқәа" асериа аҟынтәи – "Сергеи Багаԥшь", "Ефрем Ешба", "Таиф Аџьба", абри атәы Sputnik иазеиҭеиҳәеит Амилаҭтә банк аекономика-зинтә департамент аиҳабы ихаҭыԥуаҩ Леон Ԥлиа.
Аԥсны аҩбатәи ахада Сергеи Багаԥшь 70-шықәса ихыҵра инамаданы аԥсар "Сергеи Багаԥшь" (автор Руслан Габлиа) ихьӡырку аразны иалххоит, атираж 1000 цыра.
Амилаҭтә банк 2019 шықәса нҵәаанӡа аԥсар ҿыцқәа быжьба ҭнажьуеит
Апоет Таиф Аџьба диижьҭеи 80-шықәса аҵра инадҳәалани, еицырдыруа аполитик, адипломат Ефрем Ешба диижьҭеи 125-шықәса аҵра инадҳәалани иҭыжьу аразны ԥсарқәа. "Ефрем Ешба", "Таиф Аџьба" ртираж 100-100 цыра ҟалоит. Авторцәа - Тимур Ҟаитани Баҭал Џьапуеи.
Аԥсарқәа раахәара ҟалоит Аԥсны Аҵәахырҭатә банк аҿы абҵара 15 инаркны. Агәалашәаратә ԥсар "Сергеи Багаԥшь" - 8000 мааҭ иаԥсоуп, аԥсарқәа "Ефрем Ешба", "Таиф Аџьба" – 7000 мааҭ иаԥсоуп.
Иара убас шәаԥхьар ҟалоит:
- Бебиаԥҳа: Сергеи Багаԥшь изку ашәҟәы аҩра аҭакԥхықәра ду ацуп
Ихнымҳәыз апоет: Таиф Аџьба игәаларшәаразы
Асовет мчра ашьакәыргылараз ақәԥаҩ: Ефрем Ешба иҭакра шыҟалаз