АҞӘА, ԥхынҷкәын 11 - Sputnik, Бадри Есиава. Аԥснытәи абоксиорцәа Сандро Ҵәыџьбеи Леон Амҷбеи таитәи абокс азы XIII Иаарту урыстәылазегьтәи атурнир "Кубок Содружества -2019" афинали афиналбжеи рахь инеит ҳәа еиҭеиҳәоит Аԥсны Таитәи абокс азы афедерациа ахада Ҭемыр Гьергьедаа.
"Атурнир афинал ахь днеит Сандро Ҵәыџьба (56 кьыла), афиналбжахь – Леон Амҷба (51 кьыла). Дара рыдагьы аицлабра иалахәуп ҳаспортсменцәа – Давид Амҷба, Анри Шьанаа, Сиро Геворкиан", - ҳәа азгәеиҭеит Гьергьедаа.
Иара иҳәеит ари атурнир аҿы аиааира ишалнаршо Урыстәыла аԥхьахәгаразы ачемпионат ахь анеиреи Урыстәыла аспорт азҟаза ҳәа ахьӡ аиуреи.
Гьергьедаа иазгәеиҭеит Нижни Новгород Аԥснытәи аспортсменцәа гәахәарыла ишрыдыркылаз.
Таитәи абокс азы XIII Иаарту урыстәылазегьтәи атурнир "Кубок Содружества -2019" мҩаԥысуеит Нижни Новгород ԥхынҷкәын 10 - 13 рзы.
Атурнир иалахәуп 500-ҩык аспортсменцәа Урыстәыла арегионқәеи Аԥсны Аҳәынҭқарреи рҟынтәи.
Иара убас шәаԥхьар ҟалоит:
Аԥснытәи атаибоксиорцәа Тулатәи ачемпионат аҿы азеиԥшкомандатә џьаз иаиааит
Аԥснытәи атаибоксиорцәа Краснодартәи атәылаҿацә Ахраҿаҟны аиааира ргеит