АҞӘА, жьҭаара 28 – Sputnik, Бадри Есиава. Аԥснытәи атаибоксиорцәа Тулатәи ачемпионат аҿы ахԥатәи аҭыԥ ааныркылеит азеиԥшкомандатә зшьараҿ. Абри атәы аанацҳауеит ареспублика Абаҩрҵәыреи аспорти рзы Аилак.
Аԥсны ахьӡала атурнир иалахәын фҩык аспортсменцәа. Дара иааидкыланы ахьтәы медалқәа хԥа, араӡны медалқәа ҩба, аџьаз медалқәа акы ранашьахеит.
Ахьтәы медалқәа роуит: Леон Амҷба, Сероб Геворгиан, Иракли Костиандиан, "араӡны" ргеит: Давид Амҷба, Анри Шьанаа, "аџьаз" - Сандро Ҵәыџьба.
Аспортсменцәа азыҟаиҵоит таитәи абокс азы Аԥсны Афедерациа аиҳабы Ҭеимураз Гьергьедаа.
Иара убас шәаԥхьар ҟалоит:
-
Лакашьиа таитәи абокс азы: сыԥсҭазаара зегьы аспорт иадысҳәаларц сҭахуп
-
Аԥсуа таибоксиорцәа ахьтәи, араӡни, аџьази медалқәа ирыԥсахеит Анапатәи атурнир аҿы
