"Иахьазы макьана аԥсыӡкразы аквотақәа шаӡам, урҭ быжь-зауадк Аԥсны иҟоу рыбжьара еихшахоит. Сынтәа 35 тонна аԥсыӡакра азин ыҟоуп. Аквотақәа реихшараҿы Аԥсны абиуџьеҭ ибзианы иҭазгало, иаҳа аус зуа, ауал зқәым уҳәа абас ҳахәаԥшны иаҳшоит. Азауадқәа рхаҭарнакцәеи ҳареи ақыҭанхамҩатә наплакы аҿы иҳаман аиҿцәажәара, аԥҟарақәа ртәы ргәалаҳаршәеит. Ҳара ҳреиҷаҳауеит урҭ азауадқәа, избанзар, уа ҳауаажәлар роуп аус зуа, аҳәынҭқарра аганахьала иҳалшо ала ирзаԥаҳҵоит аҭагылазаашьа бзиа. Аԥсыӡ иркуа ашылахь ииргароуп, мамзаргьы аԥсыӡтә шша алырхыроуп, ажәакала Аԥснытәи аалыҵк аҳасабала аҳәаанырцә ицароуп", - ҳәа еиҭеиҳәеит Какалиа.
Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.
Иара убас шәаԥхьар ҟалоит:
- Аӡынтәи аԥсыӡкра иазоужьыз аквотақәа нагӡам
Амҷба еиҭеиҳәеит Аԥсны иалганы ирго аԥсыӡ агәаҭарақәа ишырхысуа атәы