АҞӘА, хәажәкыра 4 - Sputnik. Аԥсны ахада инапынҵақәа назыгӡо Валери Бганба Аԥсны иҟоу Урыстәыла ацҳаражәҳәаҩ Алексеи Двинианин диԥылан "Аԥсны ахадарахьы акандидат Аслан Бжьаниа ашҳам иҭара Урыстәыла аҵакырадгьыл аҿы имҩаԥысит" ҳәа иҟоу агәаанагаразы УА Апрокуратура хада ашьаус хацнаркырц адҵаҟаҵара ииҭеит. Абри атәы аанацҳауеит Аминистрцәа реилазаара асаит.
Бганба ацҳаражәҳәаҩ дазхьеирԥшит Урыстәыла АИХқәак аинформациа шаладырҵәаз акандидат ашҳам иҭан ҳәа.
"Асеиԥш алаҳәара аграждантә еиҿагыларахь иназгар зылшо Аԥсны ауаажәларра-политикатә ҭагылазаашьа аҵшәаара иазырханы иазаҳаԥхьаӡоит", - ҳәа азгәеиҭеит Бганба.
Иҟоу аҭагылазаашьа инақәыршәаны Аԥсны ахадара адҵа ҟарҵоит абарҭ аҭыжьымҭақәа ирымоу аматериалқәа зегьы Аԥсны Апркуратура хада иарҭарц азы.
Аԥсны ахадарахьы акандидат Аслан Бжьаниа Шәачантәи Аԥсныҟа амҩа дшықәыз игәы бааԥсхан, Шәачатәи ахәышәтәырҭа дҭашәеит. Аамҭақәак рышьҭахь асанитартә авиациа авертолиот ала Бжьаниа Краснодартәи ахәышәтәырҭақәа руак ахь диагахеит.
Аҵыхәтәантәи аофициалтә информациала Бжьаниа адиагноз изықәдыргылеит - ҩ-ганктәи аполисегментартә гәаҵәыхь.
Иара убас шәаԥхьар ҟалоит:
Аԥсны ахадарахьы акандидат Аслан Бжьаниа иофициалтә диагноз шьақәыргылоуп
Аԥснытәи аусҭҵааҩцәа Урыстәылаҟа ицеит Бжьаниа игәамбзиара зыхҟьаз аилкааразы