АҞӘА, хәажәкыра 4 - Sputnik. Хәажәкыра 2 рзы Шәачатәи ахәышәтәырҭаҟынтә Краснодартәи актәи атәылаҿацәтә клиникахь вертолиотла ииагаз Аԥсны ахадарахьы акандидат Аслан Бжьаниа изықәдыргылеит адиагноз - ҩ-ганктәи аполисегментартә гәаҵәыхь. Абри атәы аанацҳауеит Аԥсны Аҳәынҭқарра Агәабзиарахьчареи асоциалтә еиқәыршәареи рзы аминистрра.
Ари аинформациа аминистррахь иааит хәажәкыра 4 рзы.
Иазгәаҭоуп, уажәтәи аамҭазы апациент аҽыхәышәтәра дахысуеит, ихәышәтәра адинамика ҵоуроуп ҳәа.
Аԥсны Аҳәынҭқарра Агәабзиарахьчареи асоциалтә еиқәыршәареи рзы аминистрра Аслан Бжьаниа ихәышәтәреи ишьапы иқәыргылареи рзы иахәҭоу ацхыраара рырҭоит урыстәылатәи рколлегацәа.
Аԥсны ахадарахьы акандидат Аслан Бжьаниаиаалырҟьаны Шәачатәи ахәышәтәырҭа дҭашәеит хәажәкыра 2 рзы. Уи иҭагылазаашьа акыр иуашәшәыран, амедикаментозтә кома иалагалара рықәшәеит. Асанитартә авиациа авертолиотла уи Шәачантәи Краснодарҟа диаган. Хәажәкыра 3 рзы уи акома далҵит, уи иҭагылазаашьа еиӷьхеит.
Иара убас шәаԥхьар ҟалоит:
-
Бжьаниа иштаб алхрақәа рыҿҳәара анахара атәы иалацәажәоит
-
Аслан Бжьаниа акома далҵит
