АҞӘА, хәажәкыра 28 – Sputnik. Аԥсны иҟоу Урыстәылатәи Афедерациа Ацҳаражәҳәарҭа аконсултә маҵзура аҭааҩцәа рыдкылара иаҟәыҵуеит хәажәкыра 30 инаркны мшаԥымза 7 рҟынӡа Аԥсны аиҳабыра акоронавирус аламырҵәаразы иаланагалаз аԥкрақәа инарықәыршәаны.
Ацҳаражәҳәарҭа Facebook аҿтәи адаҟьаҿы ишаанацҳауа ала, ԥшышьа змам азҵаарақәа рыла аилыркаа аиура ҟалоитабри аҭел ала +7 840 226 03 91, мамзар аелектронтә ԥошьҭа - rusemsukhum@mail.ru ала.
Уаанӡа Ацҳаражәҳәарҭа адырра ҟанаҵахьан, Урыстәыла атәылауаа рҟынтә Аԥсны иалагалоу аԥкрақәа ирыдҳәаланы ааԥхьара ҳәа акгьы шырмоуцыз. Иагьазгәарҭеит ртәылауаа зегь рыла ацхыраара рыҭара ишазыхиоу.
Иара убас шәаԥхьар ҟалоит:
- Ашәарҭадаратә маҵзура: аԥсуа тәылауаҩшәҟә змам урыстәылаагьы Аԥсныҟа аара рылшоит
- Аҟәеи Москвеи еимаздо адәыӷба аныҟәашьа зеиԥшрахо рҳәеит