АҞӘА, хәажәкыра 28 – Sputnik. Адәыӷба №306 Аҟәа-Москва абжьааԥнеиԥш иныҟәалоит, Урыстәыла атәылауаа уи иақәтәаны рыҩныҟақәа рахь иаар рылшоит ҳәа адырра ҟанаҵоит "Урыстәылатәи аихамҩақәа" рыпресс-маҵзура.
"Ааигәаӡатәи ареис Аҟәантә Москваҟа идәықәлоит хәажәкыра 28, асааҭ 19:43 рзы, иагьнеиуеит Казантәи адәыӷбаангыларҭаҿы хәажәкыра 30, 14:55 рзы", – аҳәоит адырра.
Адәыӷба №305 Аҟәа-Москва акәзаргьы, абжьааԥнеиԥш иныҟәалоит, аха Аҟәа-Весиолое рыбжьара аангылара ҟамҵакәа.
Арҭ астанциақәа рҟынтә, ма рҟынӡа иаахәоу абилетқәа рырхынҳәра алшоит аихамҩа акассқәа рҿы.
Аԥсны ахада инапынҵақәа назыгӡо Валери Бганба атәыла аҩнуҵҟа аҭагылазаашьа ҷыда алагаларазы адҵа инапы аҵаиҩит хәажәкыра 28 инаркны мшаԥы 20 рҟынӡа, акоронавирустә ҿкы аламырҵәара хықәкыс иҟаҵаны. Уаанӡа Аԥсны иалагалаз аԥкрақәа иреиуоуп атәымтәылауааи атәылауаҩра змам ахаҿқәеи ԥсшьара аҳасабала аҳәаа рахмыжьра.
Иара убас шәаԥхьар ҟалоит:
- Ашәарҭадаратә маҵзура: аԥсуа тәылауаҩшәҟә змам урыстәылаагьы Аԥсныҟа аара рылшоит
- Аԥсны акоронавирус аҽцәыхьчаразы иалагалоу аԥкрақәа ртәы шәахәаԥшырц ҟалоит абра>>
