АҞӘА, мшаԥы 9 – Sputnik, Бадри Есиава. Аԥсны арҵаҩцәа зегьы руалафахәы роураны иҟоуп иааиуа ҩымш рыҩныҵҟа ҳәа Sputnik иазеиҭеиҳәеит Аԥсны афинансқәа рминистр ихаҭыԥуаҩ Саид Гәбаз.
"Иахьазы аулафахәы аиура аграфик иҭагӡаны арҵаҩцәа рԥарақәа рыҭоуп. Гал араион ада егьырахь аҭыԥантәи абиуџьетқәа инарықәыршәаны ишәахоит. Мшаԥы 9 рзы Аԥсны арҵаҩцәа зегьы руалафахәы роураны иҟоуп", - ҳәа азгәеиҭеит Гәбаз.
Иара иҳәеит ареспубликатә биуџьет аҟынтәи ауалафахәы зауа аҵаратә усбарҭақәа, иаҳҳәап алицеи-интернатқәеи апрофтехҵараиурҭақәеи реиԥш иҟоу, аграфик инақәыршәаны, амза 17 рзы ироураны ишыҟоу.
Егьырҭ абиуџьеттә еиҿкаарақәеи аусбарҭақәеи русзуҩцәагьы руалафахәы ԥкырада ироураны иҟоуп ҳәа иҳәеит иара.
Иара убас шәаԥхьар ҟалоит:
- Гагратәи арҵаҩцәа амчыбжь нҵәаанӡа ауалафахәы роуеит
- Делԥҳа акарантин азы: аҵаҩцәа гәхьааугоит, унапы рыкәыршаны иухьчар уҭахуп
Аԥсны ашколқәа рҟны аиагаратә ԥышәарақәа аԥыхуп