АҞӘА, мшаԥы 22 - Sputnik. 1925 шықәса рзы ииз аԥҳәыс лҭагылазаашьа хьанҭоуп ҳәа аанацҳауеит Ауааԥсыра акоронавирус рацәыхьчаразы аоперативтә штаб.
Лара уажәы Гәдоуҭа ахәышәтәырҭаҿ дышьҭоуп.
Акоронавирус раԥхьа издырбалаз ахаҵагьы макьаназы ахәышәтәырҭа дҭоуп, аха мышқәак рышьҭахь дылырҩаараны дыҟоуп.
Мшаԥы 21 рзы иара абри ахәышәтәырҭаҟынтә дылырҩааит аҩбатәи апациент.
Ииасыз уахыки-ҽнаки рыла быжьҩык атестқәа ирхысит. Урҭ аӡәгьы коронавирус идрымбалеит.
Аԥсны акоронавирус аҿагылара иазку ажәабжьқәа зегьы шәрыԥхьар ҟалоит абра>>