АҞӘА, мшаԥы 21 - Sputnik. Гәдоуҭатәи ахәышәтәырҭаҟынтәи дылҩаауп Аԥсны акоронавирус аҟынтә зҽызхәышәтәыз раԥхьатәи атәылауаҩ ҳәа аанацҳауеит COVID-19 аҿагыларазы аоперативтә штаб.
Иара мшаԥы 6 раахыс аҳақьымцәа рнапаҵаҟа дыҟан. Иара ҩынтә атестқәа деиҭарыхрыжьит. Ачымазара ицәа иалам ҳәа аадырԥшит.
1925 шықәса рзы ииз ачымазаҩ лакәзар, лҭагылазаашьа бжьаратәуп. Аԥҳәыс авирус лымоуп ҳәа шьақәыргылан мшаԥы 11 рзы. Лара усҟан ахәышәтәырҭахь ацара мап ацәылкит, аха аамҭақәак рышьҭахь лҭагылазаашьа еицәахеит. Уажәы лара ахәышәтәырҭахь днагоуп.
Аԥсны иахьаҵанакуа раԥхьаӡа акәны мшаԥы 7 рзы акоронавирус идбалан Гагра инхо атәылауаҩ. Уи хәажәкыра 29 рзы Москвантәи дхынҳәит. Аамҭақәак рышьҭахь авирус здырбалаз егьырҭ ҩыџьа ари ауаҩы иныруаз ауаа роуп.
Акоронавирус иазку аҵыхәтәантәи ажәабжьқәа шәрыԥхьар ҟалоит абра>>
