АҞӘА, лаҵара 5 – Sputnik. 600 000-ҩык рҟынӡа авиртуалтә мҩасра "Ԥсра зқәым архәҭа онлаин" алахәхаразы арзаҳалқәа нарышьҭхьеит.
"Мчыбжьык ауп иҵуа авиртуалтә мҩасра "Ԥсра зқәым архәҭа онлаин" алахәхаразы аҭаҩрақәа ҳрылагеижьҭеи. Иахьазы 600 000-ҩык рҟынӡа авиртуалтә мҩасра алахәхаразы арзаҳалқәа аарышьҭхьеит", - рҳәоит акциа аиҿкааҩцәа.
Убри аан акциа иалахәхар рылшоит аветеранцәа рфотосахьақәа зызнымхазгьы. Арзаҳал аформаҟынтә иалырхит уи апункти, иара убас аиуаратә ҭагылазаашьеи, аиреи аԥсреи ррыцхәи алырхит.
"Ԥсра зқәым архәҭа онлаин" алахәхара алшоит абарҭ адаҟьаақәа рҟны: https://2020.polkrf.ru/, https://ok.ru/app/immortal-regiment, https://vk.com/polk_app, https://sber9may.ru/.
Аџьынџьтәылатә еибашьра аветеран ифырхаҵара атәы аиҭаҳәаразы апост абарҭ ахештегқәа аҵаҩтәуп: #Бессмертныйполк2020, #Бессмертныйполконлайн, #ДеньПобедыдома, #9маявсети, #9маЯпомню.
Уаанӡа Владимир Путин аӡбамҭа идикылеит Ашҭа Ҟаԥшь аҟны Аиааира апаради "Ԥсра зқәым архәҭа" амҩанысреи ахыгазарц акоронавирустә ҭагылазаашьа иахырҟьаны. Акциа "Ԥсра зқәым архәҭа" адунеитә пандемиа аамҭазы онлаин-формат ала имҩаԥгазарц ӡбоуп.
Иара убас шәаԥхьар ҟалоит:
Апроект "Идырым абираҟныҟәгаҩ" аусура хацыркуп
"Ԥсра зқәым архәҭа" - наӡаӡатәи агәалашәара: Аҟәа акциа ишымҩаԥысуа