АҞӘА, жьҭаара 18 - Sputnik. Урыстәыла уахыки-ҽнаки аҩныҵҟа COVID-19 захьыз рхыԥхьаӡара уаанӡа аасҭа еиҳахеит, абри атәы аанацҳауеит РИА Новости аоронавирустә ҿкы аламырҵәаразы аоперативтә штаб адыррақәа шьаҭас иганы.
"Аҵыхәтәантәи уахыки-ҽнаки аҩныҵҟа Урыстәыла COVID-19 ззышьақәырӷәӷәоу рхыԥхьаӡара уаанӡа аасҭа еиҳахеит– 34 325-ҩык 85 регион рҿы. Убри аан 2 821 (8,2%) хҭыс клиникатә рбагада имҩаԥысуан", - аҳәоит адырраҭараҿы.
Урыстәыла апандемиа ианалагаз инакрны иахьанӡа аҿкы рыххьеит 8 027 012-ҩык.
Иацтәи арбагақәа рыла уахыки-ҽнаки ичмазаҩхеит 34 303-ҩык.
ВОЗ адыррақәа рыла акоронавирус адунеи аҿы ирыдырбалахьеит 239,4 миллионҩык ауааԥсыра, 4,8 миллионҩык рыԥсҭазаара иалҵхьеит. Аиҳарак аҭагылазаашьа уадаҩи аԥсыҭбарақәеи ыҟоуп Еиду Америкатәи аштатқәа (ЕАА), Индиа, Бразилиа, Британиа ду, Урыстәыла.
Урыстәыла агәабзиарахьчара аминистрра адыррақәа рыла COVID-19 змоу ачымазара ихьанҭаны изхызго 0,03 процентк иҟоуп, реиҳараҩык алаҵа рзыҟаҵам.