АҞӘА, жьҭаара 28 – Sputnik. Алаҵа "Спутник Лайт" ҟарҵахьеит 3638-ҩык Аԥсны ауааԥсыра, абри атәы иҳәеит агәабзиарахьчара аминистр Едуард Быҭәба.
Алаҵаҟаҵара ԥсыҽны имҩаԥысуеит, аха уезгьы ахыԥхьаӡара иазҳауеит, иҳәеит аминистр.
Аԥсны аԥыза-министр Александр Анқәаб ааҳәамҭа ҟаиҵеит, атәылауаа ркатегориақәак COVID-19 аҟынтә хымԥадатәи алаҵаҟаҵара рзалагалахар ҟалоит ҳәа.
"Даҽа мҩак ҳаԥшаауеит. Аҿкы аҟынтә хымԥадатәи алаҵаҟаҵара рзалагалахар ҟалоит арҵаҩцәа, ААР аусзуҩцәа, аруаа, ачынуаа. Алаҵа аагаразы азыҳәа ззыҟаҳҵо ҳажәлар ҳахьчарц ауп. Алаҵа шааргалак алаҵаҟаҵаразы адҵа ҟаҳҵоит", - иҳәеит Анқәаб.
Ԥхынҷкәын алагамҭазы Аԥсны иазыԥшуп алаҵа "Спутник V" 30 000 доза ааргоит ҳәа. Алаҵа "Спутник V" Аԥсны аҵакыраҿы иҟазҵаз аршаҳаҭгеи ацифратә QR-коди роуеит.
"Спутник Лайт" - COVID-19 аҟынтәи урыстәылатәи аԥшьбатәи лаҵоуп. Аус адуланы иҭыжьуп Гамалеи ихьӡ зху Ацентр аҿы. Иара 85% ауаҩы дахьчоит ҳәа иԥхьаӡоуп.