АҞӘА, ԥхынҷкәын 7- Sputnik. Шәача автомашьынатә аушьҭырҭатә ҭыԥ "Адлер" арҿыцра иалагараны иҟоуп ҳәа аҩуеит ФГКУ "Росграснтрои" апресс-маҵзура.
Апроект-ҭҵааратә усурақәа ирылагараны иҟоуп 2022 шықәсазы. 2024 шықәсазы ирылагоит аргыларатә усурақәа, рхыркәшара азыԥхьагәаҭоуп 2025 шықәсазы.
ФГКУ Росграснтрои Шәачатәи афилиал адиректор Сергеи Бондарев иазгәеиҭеит есыҽны аҳәаа иахысуеит 10 нызқь рҟынӡа автомашьына, 55 000-ҩык ауааԥсыра ҳәа. Убри аан аушьҭырҭатә ҭыԥ 1,5 нызқь транспорт хархәагеи 28 нызқь хаҿи риасра ауп лшараны иамоу.
Аушьҭырҭатә ҭыԥ аиҭарҿыцреи ацҵареи иалнаршоит уахыки-ҽнаки рыла аҳәаа иахысуа 11,5 нызқь рҟынтәи 68 нызқьҩык рҟынӡа рхыԥхьаӡара ацҵара.
Аиҭарҿыцраҿы иарбоуп аушьҭырҭатә ҭыԥ аҭбаара, автомашьынатә цәаҳәақәа реизырҳара, апаспорттә гәаҭара ауадақәа реизырҳара.
Ара иқәыргылахеит иҿыцӡоу автоматизациатә системақәеи зтехнологиақәа ҳараку амаругақәеи.
Аиҭаргылара иалнаршоит агәаҭаратә процедурақәа еиҳа ирццакны рхысра, ашәарҭадара аиҿкаара.