АҞӘА, ԥхынҷкәын 23- Sputnik. Аҳәынҭқарра ахада Аслан Бжьаниа иусԥҟала Аԥсны Алхратә комиссиа хада алахәылацәа быжьҩык аиҭеит. Абри азы аусԥҟа кьыԥхьуп Аҳәынҭқарра ахада исаит аҟны.
Аусԥҟа инақәыршәаны Аԥсны алхратә комиссиа хада аилазаара иаҭоуп:
Ашәба Адгәыр;
Быҭәԥҳа Саида;
Маршьан Дмитри;
Хышба Инал;
Хоџьикиан Ануш;
Шаҭ-иԥа Омари.
Аԥсны Жәлар Реизара-Апарламент ахь алхрақәа мҩаԥгахоит хәажәкыра 12, 2022 шықәсазы.
Алхратә комиссиа хада шьақәгылоуп 15-ҩык рыла. Ааҩык алахәылацәа Апарламент иалнахуеит, быжьҩык Аҳәынҭқарра ахада иеиҭоит.
Алахәылацәа зегьы аналырхлак ашьҭахь АКХ рапҳьатәи аилатәараҿы иҟоу алахәылацәа рҟынтәи далырхуеит акомиссиа ахантәаҩы, уи ихаҭыԥуаҩ, амаӡаныҟәгаҩ.
Аԥсны АКХ ахантәаҩи уи ихаҭыԥуаҩи аулафахәы рзыршәоит, уи аҟнытә дара арҵаратә, аҭҵаарадырратә, арҿиаратә усура ада аҽакы рнапы аларкыр ҟалом.