АҞӘА, жәабран 17 – Sputnik, Бадраҟ Аҩӡба. Аԥсны Жәлар Реизарахь алхрақәа рымҩаԥгаразы абиуџьет 20 миллион мааҭ ыҟоуп иҳәеит Алхратә комиссиа хада алахәыла Алиас Бранӡиа Ауаажәларратә палатаҟны имҩаԥгаз аилатәараҿы.
Аныхрақәа реиҳарак алхратәи аҭыԥантәи акомиссиақәа рлахәылацәа ргәыҟаҵагоуп, иҳәеит иара.
Зынӡа АКХ аҿы иҭаҩуп аԥшьгаратә гәыԥқәа 118, аполитикатә партиақәа хәба, дара рҟынтәи алхрақәа ирылахәуп 15-ҩык.
Акандидатцәа рышәҟәҭагалара мҩаԥыслоит хәажәкырамза 2 рҟынӡа. АКХ ахь иахәҭоу ашәҟәқәа зегьы нагатәуп жәабранмза 20 рҟынӡа.
Абыжьбатәи Апарламент ҿыц ааиуа хәышықәса ареспублика азакәанԥҵаратә политика шьақәныргылоит.
Абжьыҭаразы азин имоуп абжьыҭара амш аҽнынӡа 18 шықәса зхыҵхьоу дарбанзаалак Аԥсны атәылауаҩ. Жәлар Реизарахь иалххоит 35-ҩык адепутатцәа.