АҞӘА, жәабран 28 - Sputnik. Урыстәыла арратә ҿагылара иаламгеит, уи хнаркәшоит ауп, уи алагьы Киев ахымҩаԥгашьа иацыз ашәарҭара аҵыхәтәа ԥнаҵәоит ҳәа аҩуеит РИА Новости Урыстәыла Атәылахьчара аминистрра ахаҭарнак ҷыда, аинрал-маиор Игор Конашенков иажәақәа шьаҭас иганы.
"Акәаԥ ргылатәын. Урыстәыла аганахьала киевтәи арежим иацыз ашәарҭара аанкылатәуп. Урыстәыла ус иагьыҟанаҵоит", - иҳәеит аинрал.
Конашенков иазгәеиҭеит, "Урыстәыла арратә ҿагылара иаламгеит, уи хнаркәшоит ауп" ҳәа.
Иара убас аинрал иҳәеит, Донецктәи Жәлар рреспублика арбџьармчқәа Мариуполь амацәаз аҭакра хнаркәшоит ҳәа.
Украина имҩаԥысуа иҷыдоу арратә аоперациа иалахәу иҟоу аиқәшаҳаҭрала аруаа заҵәык роуп ҳәа ациҵеит Конашенков.