АҞӘА, хәажәкыра 14 – Sputnik. Аҟәа агәы фымцалашарада иҟоуп акабель аҿы иҟалаз аԥхасҭа иахҟьаны ҳәа Sputnik иазеиҭеиҳәеит Аҟәатәи афымцеихшарҭақәа русбарҭа аиҳабы Ҭемыр Џьынџьал.
Иара иажәақәа рыла, аремонттә усурақәа мҩаԥысуеит, урҭ амш ахы-аҵыхәала ихыркәшахароуп.
Жәабран 7 инаркны Џьуартәи аӡеизакырҭаҿы аӡы алаҟәреи Урыстәылантәи иаауа афымцамчхара амаҷреи ирыхҟьаны афымца анашьҭразы Аԥсны зегь аҿы иалагалаз аԥкрақәа иахьа уажәраанӡа амч рымоуп.