АҞӘА, хәажәкыра 14 - Sputnik. "Амшынеиқәафымцамч" мрагыларатәи ахәҭаҿы ҽынла алашара арцәара еиҭах иалагоит Џьуартәи аӡеизакырҭаҿы аӡы аҩаӡара 415 метранӡа иахьылаҟәыз азы. Абри атәы аанацҳауеит аусбарҭа апресс-маҵзура.
Жәабранмзазы Џьуартәи аӡеизакырҭаҿы аӡы акыр иахьылаҟәыз инамаданы Аԥсны прагыларатәи ахәҭаҿы афымцалашара азымхо иалагеит. Убри азы аенергетикцәа аԥкрақәа аларгалеит ЕгрыГЕС аҟынтәи алашара зауа араионқәа рҿы, ҷыдала: Очамчыра, Гәылрыԥшь, Тҟәарчал, Гал араионқәа.
Жәабран 7 инаркны Џьуартәи аӡеизакырҭаҿы аӡы алаҟәреи Урыстәылантәи иаауа афымцамчхара амаҷреи ирыхҟьаны афымца анашьҭразы Аԥсны зегь аҿы аԥкрақәа алагалан.
Ԥхынҷкәын 21 2021 шықәса инаркны Аԥсны мраҭашәаратәи ахәҭа Урыстәылантәи афымца аиуа иалагеит, мрагыларатәи ахәҭа - Аӡхыҽҽатә ГЕС-1 аҟынтәи алашара аиуеит.