АҞӘА, хәажәкыра 18 – Sputnik. Урыстәыла ахада Владимир Путини Германиа аканцлер Олаф Шольци анеицәажәоз Путин иазгәеиҭеит урыстәылатәи аруаа Украина аҭынчуааԥсыра реиқәырхаразы ирылшо зегь ҟарҵоит ҳәа, абри атәы аанацҳауеит Кремль апресс-маҵзура.
Иазгәаҭоуп, аҩтәылак рхадацәа шеицәажәаз германиатәи аган аҳәарала.
"Украина акәша-мыкәша иҟоу аҭагылазаашьа алацәажәара иацҵоуп... Иазгәаҭоуп, урыстәылатәи Арбџьармчқәа ирылшо зегьы шыҟарҵо аҭынчуааԥсыра ԥырхага рмоурц, уахь иаҵанакуеит агуманитартә мҩақәа раартра. Хәажәкыра 17 рзы имҩаԥгаз агуманитартә операциа иабзоураны Мариуполь иалган 43 нызқьҩык ауааԥсыра", - ҳәа азгәаҭоуп адырраҭараҿы.
Урыстәыла ахада, иара убас, Москвеи Киеви рыбжьара авидеоформат ала имҩаԥгаз аиҿцәажәарақәа ахәшьара аиҭеит.
Иазгәеиҭеит, киевтәи арежим аиҿцәажәарақәа дырххоит, зынагӡара ҟамло ажәалагалақәа ҟаҵо ҳәа.
"Егьа ус иҟазаргьы, урыстәылатәи аган идыру рпринцип знеишьақәа рхы иархәаны амҩақәа рыԥшаара иашьҭоуп", - ҳәа азгәаҭоуп.
Урыстәыла Украина арратә операциа иалагеит жәабран 24 рзы. Ахада Владимир Путин иара иахықәку киевтәи арежим аҟынтәи аашықәса агеноцид иҭагылоу ауааԥсыра рыхьчароуп ҳәа иҳәеит. Уи азы, иажәақәа рыла, "Украина адемилитаризациеи аденацификациеи" мҩаԥгатәуп.