https://sputnik-abkhazia.info/20220317/urystyla-shyou-iaankharts-vladimir-putin--ivideokonferentsia-1038157043.html
"Урыстәыла шыҟоу иаанхарц": Владимир Путин ивидеоконференциа
"Урыстәыла шыҟоу иаанхарц": Владимир Путин ивидеоконференциа
Sputnik Аҧсны
Урыстәыла ахада Владимир Путин Урыстәыла асубиектқәа рсоциал-економикатә цхырааразы авидеоконференциа арежим ала аилацәажәара мҩаԥигеит хәажәкыра 16 азы. 17.03.2022, Sputnik Аҧсны
2022-03-17T09:38+0300
2022-03-17T09:38+0300
2022-03-17T09:38+0300
урыстәыла донбасс имҩаԥнаго арратә операциа ҷыда
ажәабжьқәа
владимир путин
https://cdnn1.img.sputnik-abkhazia.info/img/07e6/03/03/1037920456_0:0:2547:1433_1920x0_80_0_0_d4341005f8990f153fda7efabe4fcfc8.jpg
Иарбан усдҵақәоу Путин инапы зҵеиҩыз, избан ахада Афедерациа асубиектқәа еиҳа ахақәиҭрақәа рыҭара ахәҭаны изишьо, адунеитә еилазаараҟынӡа атәыла апозициа нагашьас иамоу шәаԥхьар шәылшоит Sputnik аматериал аҿы.Урыстәыла ашәарҭараАиҳабыра алахәылацәеи арегионқәа рхадацәеи злахәыз авидеоконференциа Владимир Путин далагеит Урыстәыла адәныҟа аполитика ахықәкы хаданы иишьо алацәажәарала.“Аашықәса амацәаз иҭакыз, анырҵәаратә акциақәа здыҟарҵалоз, атерактқәа, артилериала изеихсуаз, Донбасс аҭынч ԥсҭазаара зырымҭоз ауааԥсыра ираҳҭо ацхыраара ахәҭоуп. Избан урҭ агеноцид рхыргар закәыз? Рабацәеи рабдуцәеи рҵасқәа рыла анхара ахьырҭахыз, рхатәы бызшәала ицәажәалар ахьырҭахыз, рыхшара дара ишырҭахыз иахьырааӡоз – абарҭ рзоуп агеноцид зрыдҟаҵалаз", - ҳәа иҳәеит Владимир Путин, иагьациҵеит арҭ аашықәса рыҩнуҵҟа киевтәи амчрақәа Минсктәи аиқәшаҳаҭрақәа ишрықәымныҟәоз.“Хара имгакәа Киевтәи амилаҭеилыхцәа аҳәаанырцә ацхыраарала ари абџьар рнапаҿы ироуан. Ҳәарада раԥхьа иргыланы иахықәкхозгьы Урыстәыла акәхон.Украина аус руан жәабала алабораториақәа. Урҭ рҟны Пентагон анапхгареи афинанстә цхыраареи рыла имҩаԥыргон арра-биологиатә программақәа. Арахь иаҵанакуеит акоронавирус, амырза, аршра уҳәа реиԥш иҟоу ачымазара ҿкқәа раларҵәара. Арҭ апрограмма маӡақәа рышьҭақәа уажәы рыҵәахра иашьҭоуп. Ҳара агәра аагартә иҟоуп Урыстәыла иацәыхарамкәа Украина аҵакыраҿы абиологиатә бџьар ахәҭақәа аԥырҵон ҳәа" - иҳәеит Владимир Путин.Иара убасгьы иазгәеиҭеит, Украина имҩаԥысуа аоперациа ҷыда қәҿиарала ишцо, уаанӡатәи ауснагӡақәа ишрықәшәо.Асанкциақәа усгьы иҟалонУрыстәыла ахада асанкциақәа ралагалара хара имԥшуа ЕАА абанкқәеи ЕЕ атәылақәеи рполитикоуп ҳәа ахиҳәааит.“Дара роуп аҵыхәтәантәи аамҭақәа рзы адунеитә инфлиациа зырцыхцыхыз, ауаа рӷарра иацхрааз, аиҟарамрахь икылызгаз, адунеи зегьы аҿы ахҵәацәа алазырҵәаз. Ицәырҵуеит азҵаара: аҭак ҟазҵода миллионҩыла амлакратә ԥсыҭбарақәа рзы? Еиҭасҳәоит адунеитә глобалтә економикеи ахәаахәҭреи ааха шрыҭоу, америкатәи авалиута акәзар аҭаҵәахтә валиутаны ашьара агәрагара шацәыӡыз", - ҳәа иҳәеит иара.Путин иазгәеиҭеит ЕААи ЕЕи Урыстәыла аҿаԥхьа ахыдҵақәа рзы адефолт рыланаҳәеит ҳәа.“Уажәшьҭа дарбанзаалак идыруеит афинанстә ҭаҵәахқәа шӷьычу. Ари збаз атәылақәа жәпакы рԥаратәии рцифратәии аҵәахқәа атауарқәа, адгьылқәа, афатәаалыҵ, ахьы уҳәа ареалтә активқәа рахь риагара ишалаго дыруп. Арҭ аџьармыкьақәа рҿы ари аҭагылазаашьа адефицит арҿиоит. Исҳәоит еиҭах урыстәылатәи аилахәырақәа, ахатәхаҿқәа рҳәаанырцәтә активқәа рырбаандаҩра – рҵагахоит амилаҭтә бизнес азы. Еилкаахеит аԥара злагалатәу ухатәы атәыла шакәу. Ари сара изныкымкәа исҳәахьан", - ҳәа азгәеиеҭит Владимир Путин.Владимир Путин Урыстәыла аекономикатә ҭахкаара ацхыраарала арԥсыҽра Мраҭашәара иастратегиоуп ҳәа ахиҳәааит.“Мраҭашәара ахадацәа рхаҭақәа уажәшьҭа иагьырӡом асанкциақәа хаз игоу џьоук шракәым иззырхо, иззырхо аекономика, асоциалтәи агуманитариатәи усхкқәа, Урыстәыла атәылауаа, хаҭа-хаҭала аҭаацәарақәа роуп. Арҭ ашьаҿақәа миллионҩыла ауаа рыԥсҭазаара аҵшәаара иазырхоуп. Убри аан еиҭасҳәоит, мраҭашәаратәи амчуаа ари иагьацәыԥхашьом, иаартны ирҳәоит". - ҳәа азгәеиҭеит ахада.Мраҭашәараа "рымцқәа"Урыстәыла ахада иара убасгьы иазгәеиҭеит, атәыла аганахь ала ишеиҿкаау зеиԥш ҟамлацыз аинформациатә еилахәыра, акиберҵакыраҿы ажәыларақәа. Иара иажәақәа рыла аинформациа аиура ԥкуп, ауаа мцла рхы ҭырҟьоит.“Ҳара еилаҳкаауеит ари амц-ҳәынҭқарра ду иамоу алшарақәа, аха аиаша аҿаԥхьа усгьы мчы алаӡам. Урыстәыла маҷ-маҷ акәзаргьы иара апозициа адунеи ианардыруеит. Ҳара ҳпозициа акәзар иаартуп, ицқьоуп. Уи еиҳа-еиҳа ауаа ираҳауеит, ирдыруеит. Иагьҳацеиҩыршоит. Иаартны исҳәоит Мраҭашәара гьангьашрыла ацәажәарақәа ишырҵаҵӷәу агеополитикатә хықәкқәа. Дара иӷәӷәоу, зшьапы иқәгылоу Урыстәыла рҭахӡам. Ирҭахӡам ҳхатә хырхарҭа ахьҳамоу, ҳмилаҭтә интересқәа ҳахьрыхӡыӡаауа", - ҳәа иҳәеит иара.Ҿырԥшыс иааигеит Нхыҵ Кавказ асепаратизми атерроризми адгылара шарҭоз.“Дара уажәгьы ирҭаху ҳкыдырцаларц ауп. Ажәлар рҿы ишырҳәало аиԥш Можаи ҳахырцарц ауп ирҭаху, мыч змам, иԥсыҽу ҳәынҭқарраны ҳаҟазар рҭахуп. Зегь раасҭа ирҭаху ҳаиҟәдыршьшьарц ауп. Усҟан ирҭахыз наӡазаргьы, уажәы усеиԥш ҟалашьа амам. Ҳәарада аԥсадгьыл аҭиҩцәа "ахәбатәи аколонна" ҳәа изышьҭоу рхы иадырхәашт. Урҭ рыԥсадгьыл ԥараҟаҵарҭас ирымоуп", - ҳәа иҳәеит Путин.Иара иҳәеит Урыстәыла ахаангьы ихҽны ишыҟамло. Иахьазы ицо аиҿагылара атәыла уаҵәтәи амш аиқәырхароуп изызку ҳәа азгәеиҭеит Урыстәыла ахада.“Ҳара Урыстәыла аҟазаара ҳазықәԥалоит. Уи азы ҿырԥштәыс иаагоит ҳаибашьцәа фырхацәа, Аԥсадгьыл ахьчаҩцәа", - ҳәа иҳәеит иара.Ауааԥсыра адгылара ҟарҵоитВладимир Путин иазгәеиҭеит имҩаԥысуа мраҭашәаратәи атәылақәа аполитикеи аекономиеи рҿы рԥыжәара аҵәаӷәа ахьшьроуп иаанаго ҳәа.Убри аан иара иажәақәа рыла иахьа урыстәылатәи афинанстә еилахәырақәа, анаплакқәа, абизнес ирцәыуадаҩуп.Ахада иҳәеит аекономикаҿы ишаҭаххо аиҭакра дуқәа. Урҭ аамҭала аинфлиациеи аусурҭа амамзаареи рхылҿиаар шалшо.Владимир Путин иазгәеиҭеит аҭаацәарақәа, анацәа, ахәыҷқәа рыцхыраара ишацҵахало. Иргәалаиршәеит мшаԥы 1 инаркны 8 -16 шықәса зхыҵуа ахәыҷқәа рзы ашәарақәа шалагалахо зылшара ԥку аҭаацәарақәа рзы. Шәарак анхаралшара иреиҵаӡоу ахышәаҵышәа абжаранӡа ишьақәыргылахоит.“Уажәы бжьаратәла 12 300 мааҭ ыҟоуп урҭ ашәарақәа", - ҳәа иҳәеит Путин.Атәыла ахада аиҳабыра рнапы ианиҵеит аоперативтә усура мҩаԥыргаларц аҭаацәарақәа рматериалтә ҭагылазаашьа аиҭакрақәа рышьклаԥшразы.“Аҭаацәа аусурҭа ҭыԥ рцәыӡзар, иуадаҩу аҽа ҭагылазаашьак ианиазар - ишалшо ала аҳәынҭқарра аҟынтә ацхыраара рыҭахароуп", - ҳәа иҳәеит Владимир Путин.Авидеоконференциаан Владимир Путин "Урыстәылатәи Афедерациаҿы асоциал-економикатә ҭышәынтәалареи ауааԥсыра рыхьчареи рзы ауснагӡатәқәа рзы" аусԥҟа инапы аҵеиҩит.
https://sputnik-abkhazia.info/20220316/urystylati-ar-ukraina-arrat-khybraa-128-aakha-rnaeit-1038144326.html
https://sputnik-abkhazia.info/20220316/urystyla-aar--urystyla-aganakh-ala-evropa-akhymagasha-anyynt-iaaoup-1038146154.html
https://sputnik-abkhazia.info/20220316/aekspert-asotsialt-aa-mraasharaz-iabarup-ieit-1038142548.html
Sputnik Аҧсны
media@sputniknews.com
+74956456601
MIA „Rossiya Segodnya“
2022
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, владимир путин
ажәабжьқәа, владимир путин
"Урыстәыла шыҟоу иаанхарц": Владимир Путин ивидеоконференциа
Урыстәыла ахада Владимир Путин Урыстәыла асубиектқәа рсоциал-економикатә цхырааразы авидеоконференциа арежим ала аилацәажәара мҩаԥигеит хәажәкыра 16 азы.
Иарбан усдҵақәоу Путин инапы зҵеиҩыз, избан ахада Афедерациа асубиектқәа еиҳа ахақәиҭрақәа рыҭара ахәҭаны изишьо, адунеитә еилазаараҟынӡа атәыла апозициа нагашьас иамоу шәаԥхьар шәылшоит Sputnik аматериал аҿы.
Аиҳабыра алахәылацәеи арегионқәа рхадацәеи злахәыз авидеоконференциа Владимир Путин далагеит Урыстәыла адәныҟа аполитика ахықәкы хаданы иишьо алацәажәарала.
“Аашықәса амацәаз иҭакыз, анырҵәаратә акциақәа здыҟарҵалоз, атерактқәа, артилериала изеихсуаз, Донбасс аҭынч ԥсҭазаара зырымҭоз ауааԥсыра ираҳҭо ацхыраара ахәҭоуп. Избан урҭ агеноцид рхыргар закәыз? Рабацәеи рабдуцәеи рҵасқәа рыла анхара ахьырҭахыз, рхатәы бызшәала ицәажәалар ахьырҭахыз, рыхшара дара ишырҭахыз иахьырааӡоз – абарҭ рзоуп агеноцид зрыдҟаҵалаз", - ҳәа иҳәеит Владимир Путин, иагьациҵеит арҭ аашықәса рыҩнуҵҟа киевтәи амчрақәа Минсктәи аиқәшаҳаҭрақәа ишрықәымныҟәоз.
Атәыла ахада иҳәеит Украина ахатәы аиадертә бџьар аԥҵара гәҭакыс иахьамаз Урыстәыла шәарҭараны ишазыҟалоз.
“Хара имгакәа Киевтәи амилаҭеилыхцәа аҳәаанырцә ацхыраарала ари абџьар рнапаҿы ироуан. Ҳәарада раԥхьа иргыланы иахықәкхозгьы Урыстәыла акәхон.
Украина аус руан жәабала алабораториақәа. Урҭ рҟны Пентагон анапхгареи афинанстә цхыраареи рыла имҩаԥыргон арра-биологиатә программақәа. Арахь иаҵанакуеит акоронавирус, амырза, аршра уҳәа реиԥш иҟоу ачымазара ҿкқәа раларҵәара. Арҭ апрограмма маӡақәа рышьҭақәа уажәы рыҵәахра иашьҭоуп. Ҳара агәра аагартә иҟоуп Урыстәыла иацәыхарамкәа Украина аҵакыраҿы абиологиатә бџьар ахәҭақәа аԥырҵон ҳәа" - иҳәеит Владимир Путин.
Иара убасгьы иазгәеиҭеит, Украина имҩаԥысуа аоперациа ҷыда қәҿиарала ишцо, уаанӡатәи ауснагӡақәа ишрықәшәо.
Урыстәыла ахада асанкциақәа ралагалара хара имԥшуа ЕАА абанкқәеи ЕЕ атәылақәеи рполитикоуп ҳәа ахиҳәааит.
“Дара роуп аҵыхәтәантәи аамҭақәа рзы адунеитә инфлиациа зырцыхцыхыз, ауаа рӷарра иацхрааз, аиҟарамрахь икылызгаз, адунеи зегьы аҿы ахҵәацәа алазырҵәаз. Ицәырҵуеит азҵаара: аҭак ҟазҵода миллионҩыла амлакратә ԥсыҭбарақәа рзы? Еиҭасҳәоит адунеитә глобалтә економикеи ахәаахәҭреи ааха шрыҭоу, америкатәи авалиута акәзар аҭаҵәахтә валиутаны ашьара агәрагара шацәыӡыз", - ҳәа иҳәеит иара.
Путин иазгәеиҭеит ЕААи ЕЕи Урыстәыла аҿаԥхьа ахыдҵақәа рзы адефолт рыланаҳәеит ҳәа.
“Уажәшьҭа дарбанзаалак идыруеит афинанстә ҭаҵәахқәа шӷьычу. Ари збаз атәылақәа жәпакы рԥаратәии рцифратәии аҵәахқәа атауарқәа, адгьылқәа, афатәаалыҵ, ахьы уҳәа ареалтә активқәа рахь риагара ишалаго дыруп. Арҭ аџьармыкьақәа рҿы ари аҭагылазаашьа адефицит арҿиоит. Исҳәоит еиҭах урыстәылатәи аилахәырақәа, ахатәхаҿқәа рҳәаанырцәтә активқәа рырбаандаҩра – рҵагахоит амилаҭтә бизнес азы. Еилкаахеит аԥара злагалатәу ухатәы атәыла шакәу. Ари сара изныкымкәа исҳәахьан", - ҳәа азгәеиеҭит Владимир Путин.
Убри аан атәыла ахада иазгәеиеҭит асанкциа ҿыцқәа аҭагылазаашьа шыҿиалакгьы иалагалахон ҳәа. Урыстәыла Украина арратә операциа иахьалагаз – ари ҿарԥоуп ҳәа ишьоит иара.
Владимир Путин Урыстәыла аекономикатә ҭахкаара ацхыраарала арԥсыҽра Мраҭашәара иастратегиоуп ҳәа ахиҳәааит.
“Мраҭашәара ахадацәа рхаҭақәа уажәшьҭа иагьырӡом асанкциақәа хаз игоу џьоук шракәым иззырхо, иззырхо аекономика, асоциалтәи агуманитариатәи усхкқәа, Урыстәыла атәылауаа, хаҭа-хаҭала аҭаацәарақәа роуп. Арҭ ашьаҿақәа миллионҩыла ауаа рыԥсҭазаара аҵшәаара иазырхоуп. Убри аан еиҭасҳәоит, мраҭашәаратәи амчуаа ари иагьацәыԥхашьом, иаартны ирҳәоит". - ҳәа азгәеиҭеит ахада.
Урыстәыла ахада иара убасгьы иазгәеиҭеит, атәыла аганахь ала ишеиҿкаау зеиԥш ҟамлацыз аинформациатә еилахәыра, акиберҵакыраҿы ажәыларақәа. Иара иажәақәа рыла аинформациа аиура ԥкуп, ауаа мцла рхы ҭырҟьоит.
“Ҳара еилаҳкаауеит ари амц-ҳәынҭқарра ду иамоу алшарақәа, аха аиаша аҿаԥхьа усгьы мчы алаӡам. Урыстәыла маҷ-маҷ акәзаргьы иара апозициа адунеи ианардыруеит. Ҳара ҳпозициа акәзар иаартуп, ицқьоуп. Уи еиҳа-еиҳа ауаа ираҳауеит, ирдыруеит. Иагьҳацеиҩыршоит. Иаартны исҳәоит Мраҭашәара гьангьашрыла ацәажәарақәа ишырҵаҵӷәу агеополитикатә хықәкқәа. Дара иӷәӷәоу, зшьапы иқәгылоу Урыстәыла рҭахӡам. Ирҭахӡам ҳхатә хырхарҭа ахьҳамоу, ҳмилаҭтә интересқәа ҳахьрыхӡыӡаауа", - ҳәа иҳәеит иара.
Ҿырԥшыс иааигеит Нхыҵ Кавказ асепаратизми атерроризми адгылара шарҭоз.
“Дара уажәгьы ирҭаху ҳкыдырцаларц ауп. Ажәлар рҿы ишырҳәало аиԥш Можаи ҳахырцарц ауп ирҭаху, мыч змам, иԥсыҽу ҳәынҭқарраны ҳаҟазар рҭахуп. Зегь раасҭа ирҭаху ҳаиҟәдыршьшьарц ауп. Усҟан ирҭахыз наӡазаргьы, уажәы усеиԥш ҟалашьа амам. Ҳәарада аԥсадгьыл аҭиҩцәа "ахәбатәи аколонна" ҳәа изышьҭоу рхы иадырхәашт. Урҭ рыԥсадгьыл ԥараҟаҵарҭас ирымоуп", - ҳәа иҳәеит Путин.
Иара иҳәеит Урыстәыла ахаангьы ихҽны ишыҟамло. Иахьазы ицо аиҿагылара атәыла уаҵәтәи амш аиқәырхароуп изызку ҳәа азгәеиҭеит Урыстәыла ахада.
“Ҳара Урыстәыла аҟазаара ҳазықәԥалоит. Уи азы ҿырԥштәыс иаагоит ҳаибашьцәа фырхацәа, Аԥсадгьыл ахьчаҩцәа", - ҳәа иҳәеит иара.
Ауааԥсыра адгылара ҟарҵоит
Владимир Путин иазгәеиҭеит имҩаԥысуа мраҭашәаратәи атәылақәа аполитикеи аекономиеи рҿы рԥыжәара аҵәаӷәа ахьшьроуп иаанаго ҳәа.
Убри аан иара иажәақәа рыла иахьа урыстәылатәи афинанстә еилахәырақәа, анаплакқәа, абизнес ирцәыуадаҩуп.
Ахада иҳәеит аекономикаҿы ишаҭаххо аиҭакра дуқәа. Урҭ аамҭала аинфлиациеи аусурҭа амамзаареи рхылҿиаар шалшо.
“Иҳалшо ҟаҳҵароуп арҭ ашәарҭарақәа еиҵхарц. Аҳәынҭқарра асоциалтә хыдҵақәа нагӡалатәуп, иалыршалатәуп атәылауаа хра аманы ацхыраара рызҭо амеханизмқәа рырҿиара". - ҳәа иҳәеит иара.
Владимир Путин иазгәеиҭеит аҭаацәарақәа, анацәа, ахәыҷқәа рыцхыраара ишацҵахало. Иргәалаиршәеит мшаԥы 1 инаркны 8 -16 шықәса зхыҵуа ахәыҷқәа рзы ашәарақәа шалагалахо зылшара ԥку аҭаацәарақәа рзы. Шәарак анхаралшара иреиҵаӡоу ахышәаҵышәа абжаранӡа ишьақәыргылахоит.
“Уажәы бжьаратәла 12 300 мааҭ ыҟоуп урҭ ашәарақәа", - ҳәа иҳәеит Путин.
Атәыла ахада аиҳабыра рнапы ианиҵеит аоперативтә усура мҩаԥыргаларц аҭаацәарақәа рматериалтә ҭагылазаашьа аиҭакрақәа рышьклаԥшразы.
“Аҭаацәа аусурҭа ҭыԥ рцәыӡзар, иуадаҩу аҽа ҭагылазаашьак ианиазар - ишалшо ала аҳәынҭқарра аҟынтә ацхыраара рыҭахароуп", - ҳәа иҳәеит Владимир Путин.
Авидеоконференциаан Владимир Путин "Урыстәылатәи Афедерациаҿы асоциал-економикатә ҭышәынтәалареи ауааԥсыра рыхьчареи рзы ауснагӡатәқәа рзы" аусԥҟа инапы аҵеиҩит.
