АҞӘА, хәажәкыра 26 - Sputnik. Урыстәылат аоператив-тактикатәи арратәи авиациа 117 обиект уахыки-ҽнаки рыла иҭанархеит ҳәа аанацҳауеит РИА Новости, Атәылахьчара аминистрра аофициалтә хаҭарнак Игор Конашенков иажәақәа шьаҭас иганы.
"Иҭархоу аобиектқәа рыбжьара иҟоуп акомандаҟаҵаратә пунктқәа фба, ареактивтә системақәа хԥа, азенит-ракетатә комплекс С-300, аџьаԥҳанышьҭаҵарҭақәа жәба, 92 ар ргыларҭа", - иҳәеит Конашенков.
Аусбарҭа адыррақәа рыла, уи аԥхьа аурыс ар аракетақәа "Калибр" ала Житомиртәи аобласт аҿы ашьҭаҵарҭа иеихсны иԥыржәеит, абылтәышьҭаҵарҭа ԥыржәеит Николаев иахьаҵанакуаз аракета "Оникс" ала.
Конашенков иҳәеит Аҳауаҽацәыхьчаратә хархәагақәа (ПВО) украинатәи Су-25 ҩба, Су-24 акы, аԥырҩы дызҭам ахархәагақәа фба карыжьит ҳәа.
Украина арратә операциа иалагеит жәабран 24 рзы. Владимир Путин иҳәеит иара Украина абџьарахыхра иазырхоуп ҳәа.
Атәылахьчара аминистрра аҳәамҭала аоперациа актәи аетап нагӡоуп. ЛЖәР аҵакыра абжеи ДЖәР аҵакыра аиҳараӡаки рхы иақәиҭтәуп.