АҞӘА, мшаԥы 11 – Sputnik. Еврокомиссиа (ЕК) Евроеидгыла аҳаиртә шәарҭадараз асиа ианырҵеит Урыстәыла ашәҟәы иҭагалоу 21 аҳаиреилахәырақәа ҳәа аанацҳауеит ЕК.
"Акомиссиа ЕЕ аҳаиртә шәарҭадараз аҳаиреилахәырақәа рсиа еиҭарҿыцит Европатәи астандартқәа ирықәшәом ҳәа. Абри ашьҭахь Еврокомиссиа Евроеидгыла аҳаиртә шәарҭадара асиа иаҵанаркит Урыстәыла ашәҟәы иҭагалоу 21 ҳаиреилахәыра", - аҳәоит арелиз аҿы.
Мраҭашәаратәи атәылақәа Украина абџьархыхразы имҩаԥысуа аоперациа ҷыда инадҳәаланы Урыстәыла иаҿагыло асанкциақәа аларгалеит. ЕЕ Урыстәылаҟа аграждантә ҳаирпланқәеи, урҭ рыхәҭақәеи ралагалара азин ҟанаҵом.
Ализингҭаҩцәа ракәзаргьы адҵа рыҭан хәажәкыра нҵәаанӡа уаанӡатәи аилаӡарақәа аԥырхырц. Азин ыҟам иара убасгьы аҳаирпланқәа ртехникатә маҵзура амҩаԥгара. Евроидгыла, ЕАА, Канада уҳәа атәылақәа урыстәылатәи аҳаирпланқәа рзы рыжәҩан адыркит.
Урыстәыла уи аҭакс аҳәаанырцә иҭагалоу аҳаирпланқәа рзы ахатәы жәҩан анаркит.