АҞӘА, мшаԥы 12 - Sputnik. Аԥсны Алхратә комиссиа хадаҟны 8-тәи (Алашарбагатәи) алхырҭатә ҭыԥ аҟынтә адепутатрахь акандидатцәа Ҭемыр Кәакәасқьыри Наур Нарманиеи раԥшьгаратә гәыԥқәа ашәҟәы иҭаргалеит.
Аҟәа 8-тәи алхырҭа ҭыԥ хада аҟны аиҭалхрақәа мҩаԥгахоит аҩбатәи атур аҿы акандидатцәа абжьқәа еиҟараны иахьроуз иахҟьаны. Аиҭалхра мҩаԥгахоит лаҵара 28 азы.
Аԥсны Жәлар Реизарахь алхрақәа мҩаԥысит хәажәкыра 12 рзы, усҟан иалхын 17-ҩык адепутатцәа, 17 алхырҭатә ҭыԥ рҿы алхрақәа аҩбатәи ртур мҩаԥган хәажәкыра 26 рзы.
Алхрақәа рылҵшәақәа рыла, абжьыҭара шьақәгылеит алхратә ҭыԥқәа 16 рҟны, Алашарбагатәи аабатәи алхратә ҭыԥ хадаҿы аиҭалхрақәа мҩаԥгахоит иқәгылаз акандидатцәа Наур Нарманиеи Леон Гәбази алхрақәа аҩбатәи ртур аҟны абжьқәа еиҟараны иахьроуз иахҟьаны.
Гәдоуҭатәи 18-тәи алхырҭатә ҭыԥ аҟны аиҭалхрақәа мҩаԥысуеит лаҵара 14 азы.