АҞӘА, мшаԥы 23 - Sputnik. "Амшынеиқәафымцамч" иаԥнахит алашара арцәараз иалагалаз аԥкрақәа ҳәа аанацҳауеит аусбарҭа апресс-маҵзура.
Аԥсны афымцацәаҳәақәа ироуаз ақәыӷәӷәара ахьеиҵахаз инамаданы алашара арцәара аамҭеихшара иалагалаз аԥыхуп. Аԥкрақәа аԥыхуп Аԥсны араионқәа зегь рыҟны мшаԥы 22 инаркны.
Ус шакәугьы, "Амшынеиқәафымцамч" агәҽанызаара ҟарҵоит ҩаԥхьа афымцацәаҳәақәа акәыӷәӷәара роур аԥкрақәа шаларгало.