АҞӘА, мшаԥы 27 - Sputnik. "Газпром" Польшатәи аилахәыра PGNiG Болгариатәи аилахәыра "Булгаргази" рахь агаз анашьҭра ааннакылеит ҳәа аанацҳауеит аилахәыра асаит.
Арелиз аҿы иазгәаҭоуп мшаԥы 26 анҵәамҭаз "Газпром экспорт" ишамоуз мшаԥымзазтәи инашьҭыз агаз ахә мааҭла, аконтрагентцәа уаанӡа ахәшәара аҟазшьа шыԥсаххо азы адырра шрыҭазгьы.
"Абри инадҳәаланы "Газпром экспорт" "Булгаргази" PGNiG-и адырра рнаҭеит мшаԥы 27 инаркны иҟоу аԥҟара инақәыршәаны ахәшәара мҩаԥгахаанӡа агаз шаанкылахо", - ҳәа аҳәоит адырраҭараҿы.
"Газпром" иара убасгьы аҳәамҭа ҟанаҵеит Польшеи Болгариеи ирылсны ахԥатәи атәылақәа рахь ицо агаз закәаншьаҭада ахархәара аиур, атранзит абри ахышәаҵышәала ишагырхахо.
Мраҭашәаратәи атәылақәа Урыстәыла аганахьала асанкциақәа хыԥхьаӡара рацәала иаларгалеит Украинатәи аоперациа ҷыда ашьҭахь. Москва аҭактә уснагӡатәқәа аднакылеит.
Владимир Путин хәажәкыра 23 рзы алаҳәара ҟаиҵеит Евроеидгыла атәылақәа рзы аԥкрақәа шалагалахо, адоллари аеврои мап рыцәкны агаз ахәшәара амааҭ ахь ишиагахо. Урыстәыла аилаӡарақәа рыхәԥса мшаԥы 1 инаркны мааҭла ирымшәар, ахыдҵақәа нармыгӡеит ҳәа ишьоуп.