АҞӘА, лаҵара 31 – Sputnik. Аԥсны аԥхынтәи аԥсшьараз еиҳа урыстәылаа иалыркаауа ахырхарҭақәа рыбжьара ахԥатәи аҭыԥ ааннакылеит, Египети Еиду Арабтәи Аемиратқәеи ираԥыган ҳәа аанацҳауеит АТОР.
Актәи аҭыԥ ааннакылоит Ҭырқәтәыла, аҩбатәи – Урыстәыла. Арҭ аҩтәылак аԥыжәара рымоуп агеополитикатә кризис иахҟьаны аԥхынтәи аԥсшьара агеографиа аковидаамҭатәии уаанӡатәи асезонқәеи ирҿырԥшны аҽшеиҭанакызгьы.
Аԥсны акурортқәа рҿы аԥсшьараз атур абжьаратә чек (амҩа аалхны) 50-60 нызқь мааҭ артәоит мчыбжьык азы, амҩа алаҵаны – 85 000 мааҭ раҟара.
"Ахырхарҭарацәатә туризми аҩнуҵҟатәи атуризми рҿы аус зуа атуроператорцәа жәпаҩык рҿы Аԥсны еиҳа азҿлымҳара змоу ахырхарҭақәа иреиуоуп (атуроператор "Дельфин" адыррала, Аԥсныҟа атурқәа 31% дыртәоит ахырхарҭақәа зегьы ааидкыланы рҟынтә)", – аҳәоит АТОР.
Сынтәатәи асезон аҿы аԥснытәи акурортқәа рахь уаанӡатәи асезонқәа ирыдкыланы аҿаҵарақәа ирыцлеит. Аобиект дуқәа рыҭирақәа ныркылахьеит.