АҞӘА, ԥхынҷкәын 21 - Sputnik. Урыстәыла арра-космостә мчрақәа Харковтәи аобласт Андреевка иҟаз анефҭеизакырҭа ԥыржәеит, уахьынтә абылтәы УАМ атехника ахы ианархәон. Абри атәы аанацҳауеит атәылахьчаратә усбарҭа.
Купиансктәи ахырхарҭаҿы Петропавловк, Песчаное, Берестовое араионқәа рҿы иҭархоуп 60-ҩык инареиҳаны украинатәи аруаа, акәылӡтранспартиорқәа ҩба, апикапқәа хԥа.
Красно-Лимансктәи ахырхарҭаҿы авиациеи артиллериеи иҭадырхеит 30-ҩык аибашьцәа, танкк, апикапқәа хәба аиланхарҭақәа Терни Торское рҿы (ДЖәР). Фҩык украинатәи аруаа рабџьар шьҭарҵеит.
Донецктәи ахырхарҭаҿы аҵакы змоу аҭыԥқәа аанкылоуп. Уахыки-ҽнаки рыҩныҵҟа уа иҭархоуп 80-ҩык украинатәи аруаа, танкк, аршьаҟауаа рмашьынақәа хԥа.
Алада-Донецктәи ахырхарҭаҿы УАМ амеханизациа зызуу 72-тәи абригадеи 108тәи аҵакырахьчаратә бригадеи ааха ӷәӷәа рыҭоуп. Аӷа ицәыӡит 50-ҩык рҟынӡа аибашьцәа, акәылӡмашьынақәа ҩба, апикапқәа ԥшьба.
Аоператив-тактикатә авиациеа, аракетатәи артиллериатәи ар иҭадырхеит УАМ артиллериатә ҟәшеиҵақәа 63, украинатәи ахаланыҟәа шьақәгыла ЗРК "Бук-М1", арадиолокациатә станциа П-18, азенит-ракетатә комплекс С-300 арадиолокациатә станциа, артиллериатә системақәа М-777 хԥа, абџьари атехникеи рыла иҭәыз ангарқәа ҩба, артиллериатә џьаԥҳанышьҭаҵарҭақәа ҩба, РСЗО "Град" амашьына.
Икажьуп украинатәи аҳаирплан Су-25, авертолиот Ми-8. Урыстәыла аҳауаҽацәыхьчаратә хархәагақәа икарыжьит аԥырҩы дызҭам ахархәагақәа ҩба, HIMARS ареактивтә хгәыцәқәа ҩба.
Урыстәыла атәылахьчара аминистрра адыррақәа рыла, арратә аоперациа иалагазар ааха рыҭоуп: 348 ҳаирплан, 187 вертолиот, 2691 аԥырҩы дызҭам ахархәагақәа, 399 зенит-ракетатә комплекс, 7179 атанкқәеи акәылӡмашьынақәеи, 932 ареактив-систематә машьынақәа, 3696 артиллериеи аминаршәгеи рыхгәыцәқәа, 7693 ак иҷыдоу автомобилтә техника.