АҞӘА, ажьырныҳәа 7 - Sputnik. Урыстәылатәи аган ирыланаҳәаз ахымцаанкылара арежим ишақәныҟәац иақәныҟәоит ажьырныҳәа 8 ауха асааҭ 00:00 рҟынӡа, абри атәы аанацҳауеит Урыстәыла атәылахьчара аминистрра.
"Украина арбжчьармчқәа урыстәылатәи аиланхарҭақәеи аруаа ргыларҭақәеи ирылахысуеит, аха уи иахьмырԥшкәа, ахымцаанкылара арежим ажьырныҳәа 8 асааҭ 24 рҟынӡа амч амазаауеит ишырҳәахьаз еиԥ", - ҳәа аанацҳауеит адырраҭара.
Убас, Красно-Лимантәи ахырхарҭаҿы УАМ 11-нтә ихысит, Соледартәи, Авдеевтәи, Марьинтәи ахырхарҭақәа рҿы артиллериа 51-нтә иҭдырҟьеит.
Уи адагьы, зкалибр дуу 60 снариад ҭдырҟьеит Донецк ауаа реиланхарҭақәа рахь, Макеевка иалахысит асистема HIMARS ала.
Запорожтәи аобласт аҿы украинатәи архәҭақәа 31-тәи ихысит, Херсонтәии Криворожтәии ахырхарҭақәа 17-нтәи ирылахысит. Урҭ рхысра еиԥырҟьан.
Иара убас адырра ҟарҵеит Купиантәи ахырхарҭаҿы УАМ амеханизациа зызуу абригадақәа 14 ржәылара аԥырҟәҟәаан, иҭархан 20-ҩык украинатәи аруаа, атанк, "Град", автомашьынақәа ҩба.
Красно-Лимансктәи ахырхарҭала иаԥырҟәҟәаан украинатәи 80-тәии 95-тәии адесанттә-жәыларатә бригада аруаа. Иҭархоуп 30-ҩык украинатәи аруааи, агаубицақәа Д-20 ҩба, кәалӡымашьынаки пикапки.
Донецктәи ахырхарҭаҿы амеханизациа зызуу абригада 110-еи адесант-жәыларатә бригада 79-еи ржәылара аԥырҟәҟәаан. Иҭахеит 50-ҩык аӷа ируаа, танкки автомашьынаки.
Алада-Донецктәи ахырхарҭаҿы украинатәи 108-тәи абригада ажәылара аԥырҟәҟәаан, иҭархан 20-ҩык украинатәи аруаа, агаубицақәа Д-30 ҩба, кәалӡымашьынаки ҩ-пикапки.
Урыстәылатәи аҳауаҽацәыхьчаратә мчқәа уахыки-ҽнаки рыла иҭадырхеит аԥырҩы дызҭам украинатәи аҳаирпланқәа ԥшьба, иаанкылан зныкҟьара ихысуа асистемақәа "Ураган" аснариадқәа хәба, иара убас арадиолокациаҿагыларатә ракета HARM.
Зынӡа арратә операциа ҷыда иалагеижьҭеи иҭархоуп: аҳаирпланқәа 360, авертолиотқәа 199, аԥырҩы дызҭам аппаратқәа 2843, азенит-ракетаттә комплексқәа 400, атанкқәеи егьырҭ акәылӡымашьынақәеи 7441, зныкҟьара ихысуа ареактивтә аибашьыгатә машьынақәа 972, адәынтәи артиллериабџьари аминомиотқәеи 3787, иара убас 7957 ак иҷыдоу арратә автомобилтә техникеи.