Ситуация на границе Крыма с Украиной - Sputnik Аҧсны, 1920
Урыстәыла Донбасс имҩаԥнаго арратә операциа ҷыда
Урыстәыла Донбасс имҩаԥнагоит арратә операциа ҷыда, ДЖәРи ЛЖәРи иҟарҵаз аҳәарала. Владимир Путин Донецки Лугански жәлар рреспубликақәа рхьыԥшымра азхаиҵеит.

Киев Донбасс ишалахысыц иалахысуеит Урыстәыла аамҭала ахымца аанкылара шаланагалазгьы

© Sputnik / Сергей Аверин / Амедиаҵәахырҭахь аиасраРабота артиллерии НМ ДНР на Авдеевском направлении
Работа артиллерии НМ ДНР на Авдеевском направлении - Sputnik Аҧсны, 1920, 07.01.2023
Анапаҵаҩра
Урыстәыла ахада инапынҵа инақәыршәаны аоперациа ҷыда ахьымҩаԥысуа аҭыԥқәа рыҟны ажьырныҳәа 6 асааҭ 12:00 инаркны ажьырнҳәа 7 асааҭ 24:00-нӡа Украина аибашьра ацәаҳәақәа зегь рыҟны аганқәа ахымца аанкылара рылаҳәоуп.
АҞӘА, ажьырныҳәа 7 - Sputnik. Украинатәи ар ахысрақәа ирҿуп Урыстәыла аамҭала ахымца аанкылара анрыланаҳәа ашьҭахьгьы ҳәа азгәарҭоит Урыстәыла атәылахьчара аминистрра.

"Ажьырныҳәа 6 асааҭ 12:00 инаркны урыстәылатәи ар ахымца аанкылара ишықәныҟәогьы, киевтәи арежим анхарҭатә ҭыԥқәеи урыстәылатәи апозициақәеи артиллериала ишрылахысыц ирылахысуеит", - ҳәа аҳәоит адырраҭараҿы.

Арратә усбарҭаҟны ирҳәеит, Краснолиманск ахырхарҭала Украина арбџьармчқәа аминаршәгала ԥшьынтә урыстәылатәи апозициақәа ишрылахысыз ажьырныҳәа 6 рзы. Иара убас ари аҽны ЛЖәР Белогоровк араион аҟны хынтә артиллериатә шьақәгылала ирылахысит, Новопавловки Запорожтәи аобласти рыҟны аантә ирылахысит.
Арратә аоперациа ҷыда иалагеижьҭеи иҭархоуп: 360 ҳаирплан, 199 вертолиот, 2839 аԥырҩы дызҭам ахархәагақәа, азениттә ракетатә комплексқәа 400, атанкқәеи егьырҭ аибашьыгатә акәылӡ машьынақәеи 7437, аибашьыгатә машьына аицҭырҟьаратә мца ареактивтә системақәа 971, аминаршәгақәеи артиллериатә бџьари 3783.
Ажәабжьқәа зегьы
0