АҞӘА, лаҵара 3 - Sputnik. Кавказтәи аинвестициатә цәыргақәҵа аҳәаақәа ирҭагӡаны Аԥсны ахада Аслан Бжьаниа диԥылеит Урыстәыла аԥыза-министр ихаҭыԥуаҩ Александр Новак. Абри атәы аанацҳауеит атәыла ахада ипресс-маҵзура.
Аганқәа алацәажәеит Аԥсны аенергетикатә усхк аҟны иҟоу ауадаҩрақәеи, аҟәатәи аҳаирбаӷәаза аиҭашьақәыргылареи, хра злоу егьырҭ азҵаарақәеи.
Ставропольтәи атәылаҿацә аҳҭнықалақь аҟны лаҵара 3-4 рзы имҩаԥысуеит Кавказтәи аинвестициатә цәыргақәҵа. Уи аҳәаақәа ирҭагӡаны Аԥсны ахада Аслан Бжьаниа иазгәеиҭоит АКФО иалахәу асубиектқәа рнапхгаҩцәеи акорпорациа дуқәа рхадацәеи рԥылара.