АҞӘА, жьҭаара 20 – Sputnik, Бадри Есиава. Урыстәылатәи аҵарауаа, Воронежтәи ауниверситет аусзуҩцәа афитоинвазиатә ҵиаақәа аҭыԥантәиқәа ишырныруа ҭырҵаауеит Пицунда-мысратәи аҳәырԥсарра иахьаҵанакуа ҳәа Sputnik иазеиҭалҳәеит Воронежтәи аҭҵаарадырратә университет аботаникатә баҳча аусзуҩ Лилиа Лепиошкина.
"Зыӡбахә ҳамоу аҭыԥантәи аекосистема иацәтәыму, иаԥырхагоу аҵиаахкқәа реилалара. Аԥсны зехьынџьара иалаҵәеит агәамсам ҵиаахк - канадатәи ашәҭҩежь ду. Мысра аџьра аҳаракыраҭыԥқәа ахьҭаҳҵаауаз иаҳбеит канадатәии буенос-аирестәии абгалақәа, ашәҭҩежьду уҳәа егьырҭгьы", - ҳәа лҳәеит лара.
Лепиошкина лажәақәа рыла, аҵарауаа иҟарҵаз агәаҭарақәа рыла алкаа ҟауҵар ҟалоит – аҳәырԥсарраҿы аекосистема аҽшаԥсахуа, аиҳарак ауаа ишрыхҟьо.
Лепиошкина агәра лгоит асеиԥш ахырхарҭа аҭыԥантәи аҵиаақәа рхыԥхьаӡара шмаҷхо ма ианыӡӡар шалшо.
"Ари глобалтә процессуп. Адунеи зегьы аҿы имҩаԥысуеит, аха иҟоуп агәҽанҵаратә усхкқәа. Раԥхьа иргыланы ауааԥсыра адырра рымазароуп. Ирацәаҩуп арҭ рҩызцәа аҵиаақәа декоративтәқәак реиԥш изааӡо, иаҳҳәап америкатәи ашьамашәыга, павловниа, ашәҭҩежь ду", - ҳәа еиҭалҳәоит Лепиошкина.
Аҵарауаҩ лгәаанагарала арҭ апроцессқәа хылаԥшра рыҭалатәуп аҳәырԥсаррақәа рҿы. Урыстәыла ампыҵахаларатә-ҵиаақәа ықәыргоит, уи хазы ауаа азкны.
Иазгәаҭоуп, аҭҵаарақәа анхыркәшахалак ашьҭахь аҭҵаарадырратә статиақәа азырхианы, иҭыжьны Воронежтәи ауниверситет аконференциаҟны ацәыргара.