АҞӘА, ԥхынҷкәын 20 - Sputnik. Украина имҩаԥааго арратә операциа ҷыда ахықәкқәа мап рцәаҳкуам ҳәа иҳәеит Владимир Путин атәылахьчара аминистрра имҩаԥнагаз инарҭбаау аколлегиатә еилатәараҟны.
Путин иҳәеит 1991 шықәсазы НАТО атәылақәа алианс мрагыларахь ала иҳарҭбаауам ҳәа шырҳәаз. Иара инаҵшьны иазгәеиҭеит НАТО шполитикатә еиҿкаароу, агрессиа зҵоу аҟазшьақәагьы шамҵәахуа.
"Мраҭашәара мап рыцәнакуам Урыстәыла аанкылараз астратегиеи Украина иамоу ахықәкқәеи. Ус акәзар ҳаргьы Украина имҩаԥааго арратә операциа ҷыда ахықәкқәа мап рцәаҳкуам", - ҳәа иҳәеит Владимир Путин.
Путин иазгәеиҭеит аибашьра ахьцо аҭыԥқәа рҿы аурыс ар аԥыжәара шамоу, активла ахыхьчара атактика шамоу, иахьаҭахугьы - аҭагылазаашьа еиӷьнатәуеит ҳәа.
"Аӷа ацәыӡ дуқәа имоуп, убри аан ирҳауҳауз аконтржәылараҿы алҵшәақәа имоушәа иԥшәмацәа ҿыцқәа идирбар иҭахуп. Уи адагьы мраҭашәаратәи аибашьыга техникагьы аӡбахә шырҳәоз ишыҟамыз аабеит", - ҳәа иҳәеит Урыстәыла ахада.
Владимир Путин иқәгылараҟны иазгәеиҭеит Мраҭашәара Урыстәыла аҵанархарц аҽышәарақәа Урыстәыла арбџьармчқәа ишеилаԥырххааз.