АҞӘА, ажьырныҳәа 6 - Sputnik. Аԥсны ахада Аслан Бжьаниа Аԥсни Урыстәылеи Жәлар рартистка, аорден "Ахьӡ-аԥша" актәи аҩаӡара занашьоу Хьыбла Гьерзмааԥҳа лиирамш лыдиныҳәалеит.
"Иблахкыгоу шәашәаҳәара, уамашәа иссируп шәбаҩхатәра. Шәара, адунеи аҟны Аԥсны ацҳаражәҳәаҩс шәыҟоуп. Адунеи аҟны еицырдыруа асценақәа рҟынтәи шәара шәазгәыдуны шәыԥсадгьыл Аԥсны ахьӡ шәҳәоит, иаашәырԥшоит ишәымоу абзиабара. Аԥсуа жәларгьы уамакала шәырҭахәуп", - иҳәеит Ахада.
Аҳәынҭқарра ахада иазгәеиҭеит, афестиваль "Хьыбла Гьерзмааԥҳа шәаалыԥхьоит..." зегь ззыԥшу амузыкатә ныҳәоуп ҳәа.
Хьыбла Гьерзмааԥҳа - Аԥсни Урыстәылеи Жәлар рартистка, иланашьоуп апремиақәа "Триумф", "Иреиӷьу аоператә шәаҳәаҩы" ахьыӡҳәаҟны "Casta Diva", илоуит амилаҭтә театр апремиа "Золотая маска" "Иреиӷьу аԥҳәыс лроль" азы, иара убас иланашьоуп "Золотой Орфей" "Иреиӷьу ашәаҳәаҩ" ҳәа.