АҞӘА, жәабран 7 - Sputnik. Аҳәынҭқарратә аҳазалхратә еилакы аусзуҩцәа Аҟәа ақалақь аҿы акриптовалиута арҳаразы аппаратқәа 90 ықәыргеит ҳәа аанацҳауеит аусбарҭа апресс-маҵзура.
Афымцаҳа иаҿакымаз амаругақәа Гәымсҭатәи амҩаҿы иҟоу аҩнеихагыла ацоколь аҿы уаҩ дахьнымхоз ауадаҿы иҵәахын, урҭ ареспублика атәылауаҩ С.В. Касланӡиа итәын.
Атәылахь заагара ҟамло аиқәыршәагақәа ықәган, административтә еилагаразы аус хацыркуп.