Даур Ақаҩба усутә ныҟәарыла Аахыҵ Уаԥстәылаҟа дцеит

© Foto / Министерство Иностранных дел Республики АБХАЗИЯМИД Абхазии
МИД Абхазии - Sputnik Аҧсны, 1920, 20.09.2021
Анапаҵаҩра
Есышықәса цәыббра 20 рзы Нхыҵ Уаԥстәыла иазгәарҭоит ареспублика амш ныҳәа.
АҞӘА, цәыббра 20 - Sputnik. Цәыббра 19 азы Аԥсны Адәныҟатәи аусқәа рминистр Даур Ақаҩба усутә ныҟәарыла Аахыҵ Уаԥстәылаҟа дцеит, Аахыҵ Уаԥстәылатәи ареспублика ашьаҭаркра 31-шықәса ахыҵра иазку ауснагӡатәқәа ихы рылаирхәырц. Абри атәы аанацҳауеит аусбарҭа асаит.
Аԥсны Адәныҟатәи аусқәа рминистрра апресс-маҵзура иаанацҳаит цәыббра 19 азы 16 шықәса шҵыз Аԥсни Аахыҵ Уаԥстәылеи рыбжьара аиҩызаразы Аиқәшаҳаҭра рнапы аҵарҩижьҭеи.
"Аԥсни Аахыҵ Уаԥстәылеи рыуаажәларқәа реизыҟазаашьа аиашьаратә ҟазшьа рымоуп. Ари адокумент ҩ-ганктәи аизыҟазаашьа бзиақәа шьаҟаҵас ирзыҟалеит. Ҳаинырра шьаҭас иамоуп аиҩызара ӷәӷәа. Агәра аагоит ари Аиқәшаҳаҭра ԥхьаҟатәи аҿиарагьы ҵаҵӷәыс ишазыҟало, наҟ-ааҟтәи аиныррақәа еиҳагьы ишарҭбаауа", - ҳәа аҳәоит аминистрра асаит аҿы.
2021 шықәса нанҳәамзазы Аԥсны ахада Аслан Бжьаниа аԥснытәи аделегациа рхадараҿы дыҟаны Аахыҵ Уаԥстәылатәи Ареспублика даҭааит.
Цәыббра 20 1990 шықәсазы Аахыҵ Уаԥстәылатәи автономтә област Жәлар рхеилак адепутатцәа аҳәынҭқарратә суверинитет азы адекларациа рыдыркылеит.
Ажәабжьқәа зегьы
0