АҞӘА, хәажәкыра 13 - Sputnik, Бадраҟ Аҩӡба. Апарламент ахь алхрақәа рзы гәынамӡара ҳамам иҳәеит Урыстәылантәи анаԥшҩы, Ихьыԥшым амилаҭқәа реидгыла (ИАР) аусқәеи,, евразиатә аинтеграциеи, аџьанџьуаа рымадареи рзы Аҳәынҭқарратә Дума Аилак ахантәаҩы актәи ихаҭыԥуаҩ Константин Затулин АКХ аҿы апресс-конференциа аан..
"Аԥсны атәылауаа ирыдсныҳәалар сҭахуп Апарламент ахь алхрақәа актәи ртур ахьхыркәшахаз. Аҳәынҭқарратә Дума аделегациа алхратә ҭыԥқәа 18 ирҭааит. Амш ахьыцәгьаз иахәамԥшкәа, ауаа ргәалаҟара бзиан, ҳаҭырқәҵарала зегь мҩаԥысит", - иҳәеит иара.
Аҳәынҭқарратә Думаҟынтәи анаԥшцәа алахәын Урыстәыла Украина имҩаԥнаго арратә операциа адгыларазы хәажәкыра 11 рзы имҩаԥысыз амитинг ҳәа азгәеиҭеит Затулин.
"Ҳара ҭабуп ҳәа ҳҳәоит Аԥсны Урыстәыла имҩаԥнаго арратә аоперациа ҷыда Аԥсуа жәлар ахьадгыло", - иҳәеит Константин Затулин.
Аԥсны Апарламент ахь алхрақәа асааҭ 20:00 рызтәи ауаа рааишьеи заанаҵтәи рылҵшәақәа рыларҳәоит хәажәкыра 13 асааҭ 12:00 рзы.