АҞӘА, нанҳәа 10 - Sputnik. Урыстәылатәи аруаа Украина иҭадырхеит Германиантәи иаашьҭыз азенит-ракетатә комплекс "Гепард", ҳәа аанацҳауеит Атәылахьчара аминистрра.
"Уи адагьы ДЖәР ақалақь Краматорск ааигәара иҭархоуп украинатәи азенит-ракетатә комплекс С-300 аҭырҟьага шьақәгыла", - аҳәоит адырраҭараҿы.
Зынӡа аоператив-тактикатә арратә авиациеи, аракетатәии артиллериатәии ар уахыки-ҽнаки рыла иҭадырхеит анапхгараҭаратә ҭыԥқәа хәбеи аџьаԥҳанышьҭаҵарҭақәа быжьбеи.
Ааха рыҭан ареактив еицҭырҟьаратә системақәа "Град" авзводқәа ҩба, Д-20 артиллериатә взводқәа ҩба, агаубицақәа Д-30 авзводқәа ҩба.
Урыстәылатәи авиациа икарыжьит аҳаирпланқәа - Су-25, МиГ-29, Су-27.
Урыстәылатәи Аҳауаҿагыларатә мчқәа икарыжьит аԥырҩы дызҭам ахархәагақәа 9, абаллистикатә ракетақәа 2, "HIMARS" ахгәыцәқәа 7, ареактив еицҭырҟьаратә система "Смерч" ахгәыцәқәа 4.
Кылкааратә хысрала иқәыцҟьаан 54-тәи амеханизациа зызуу абригада аџьаԥҳанышьҭаҵарҭа. Украинатәи аган иацәыӡит 30-ҩык аруаа, 6 000 артиллериатә хгәыцәи аминақәеи, автомабилтә техника 7 ак.
УАМ 93-тәи амеханизациа зызуу абригада аамҭалатәи агыларҭа ианажәла шәҩык рҟынӡа амилаҭеилыхцәа ҭархан, иқәхын ҩеижәа ак арратә техника. 56-тәи амотошьаҟатә бригада – 70% аилазаара ҭархоуп, уи алагьы аибашьратә лшара ацәыӡит.