Аҩаша, цәыббра 19 асааҭ 11:00 рзы Sputnik Аԥсны амультимедиатә пресс-центр аҿы имҩаԥгахоит апрограмма SputnikPro амодуль ҿыц, ҷыдала арадио амҩаԥгаҩцәеи ари ахырхарҭаҿы зхы ԥызшәарц зҭахуи рзы.
Апрограмма ҩ-блокк рыла ишьақәгылоуп- "Абжьы шәырду: избан ҳзазыӡырыҩуа арадио", "Зыԥсы ҭоу аефир: арадио амҩаԥгаҩы иԥсҭазаара аԥҟарақәа".
Азыӡырыҩҩцәа ирзеиҭарҳәоит арадиопрограммақәа ацифратә аамҭазы ишаԥҵатәу, ишымҩаԥгатәу, алахҿыхра шаҵаҵатәу, асас рацәак ацәажәара иҭахымзар атема дшалагалатәу, аефир ахь уанцәырҵуа иухашҭыр иҟамло.
SputnikPro — ааигәатәи аҳәаанырцә ажурналистцәа рзы имҩаԥырго рккаратә проект ҷыдоуп. Апроект SputnikPro урыстәылатәии аҳәаанырцәтәии иреиӷьу амедиаменеџьерцәа, ажурналистцәа, апресс-маӡаныҟәгаҩцәа, аблогерцәа, аиҳабыратә курсқәа рыстудентцәа уҳәа имҩаԥырго асеминарқәеи, амастер-классқәеи, алекциақәеи ирсистемоуп.
SputnikPro арҵаратә модульқәа мҩаԥысхьеит 24 тәыла рҿы: Ермантәыла инаркны Индианӡа, Бырзентәыла инаркны Китаинӡа. 2018 шықәса хәажәкырамзаахыс SputnikPro аҟазаратә-классқәа ирылахәхеит 6000–ҩык рҟынӡа азыӡырыҩцәа 80 ҳәынҭқарра рҟынтәи.