17:38 21 Лаҵара 2018
Аҟәа+ 24°C
Ишиашоу ицо аефир
Пресс-конференция министра иностранных дел Вячеслава Чирикба. Фото с места события.

Қырҭтәыла аделегатцәа аԥсуаа ирырҭеит Нестор Лакоба дызну акинохроника

© Sputnik Наала Авидзба
Аԥсны
Икьаҿу ахьарԥш аиура
27 0 0

Зыхә ҳараку архивтә анҵамҭақәа Аԥснытәи аган ирыҭан Женеватәи аиҿцәажәарақәа рҿы.

АҞӘА, мшԥ 7 — Sputnik, Наала Аҩӡԥҳа. XXXI-тәи Женеватәи аиҿцәажәарақәа рҟны қырҭтәылатәи аделегациа алахәцәа аԥснытәи аделегатцәа ирырҭеит зыхә ҳараку архивтә материалқәа, иҳәеит Аԥсны Адәныҟатәи аусқәа рминистр Виачеслав Чрыгба аҩашаҽны имҩаԥысыз апресс-конференциаҿы.

"Иҳарҭаз адиск аҿы Аԥсны иҭыху аҭоурыхтә видеоматериалқәа ануп, усҟантәи ҳԥыза Нестор Лакоба дарбаны. Уи адагьы, Кавказтәи аибашьреи еиҳа иааигәоу аҭоурыхтә хҭысқәеи ирыдҳәалоу архивтә материалқәа ыҟоуп", — иҳәеит Чрыгба.

Аԥсны Адәныҟатәи аусқәа рминистр иажәақәа рыла, ауникалтә нҵамҭақәа Аԥсуа телехәаԥшреи, аҳәынҭқарратә архиви, Аԥсуаҭҵааратә институти рахь ишьҭызаауеит.

"Аиҿцәажәарақәа рылҵшәақәа ртәы анаҳҳәо, ари акрызҵазкуа хҭысуп. Аполитика иадҳәалам аилацәажәарақәа раан акыр иаԥсоу аусқәа уӡбар ҟалоит, убри аҟнытә ҳара арҭ аиҿцәажәарақәа ирыцаҳҵалоит", — ҳәа азгәеиҭеит аминистр.

аахыҵ Кавказ аҭынчреи аҭышәныртәалареи рзы XXXI-тәи Женеватәи аиҿцәажәарақәа мҩаԥысит хәажәкырмза 17-18 рзы.

Ихадоу атемақәа