16:16 27 Лаҵара 2020
Ишиашоу ицо аефир
  • USD71.06
  • EUR77.91
Аԥсны
Икьаҿу ахьарԥш аиура
Ҳара ҳ-Фазиль (17)
18 0 0

Фазиль Искандер ииумор, "Внуковские придурки" аӡбахә, адунеи ахацәа ирымоу аиԥшра уҳәа ртәы ҳзеиҭарҳәеит арежиссиорцәа Сергеи Коковкини Анна Радионовеи.

Наала Аҩӡыԥҳа, Sputnik

Рашәарамза 14, ахәылбыҽха Аурыс драматә театр аҟны ахәаԥшыҩцәа ирбараны иҟоуп МИТРО Аҟазарҭа аушьҭымҭацәа Сергеи Коковкини Анна Радионовеи рспектакль "О, Марат!". Ҽынла, Аԥсуа драматә театр аҟны идырбахоит Сергеи Коковкин испектакль "Привет от Цюрупы!" ателеверсиа, Александр Ширвиндти Михаил Державины злахәу. Еицырдыруа адраматургцәа, актиорцәа Сергеи Борис-иԥеи Анна Сергеи-иԥҳаи Фазиль Абдул-иԥа иҩызцәа бзиақәоуп.

Сергей Коковкин с Фазилем Искандером, Булатом Окуджавой, поэтом Наумом Коржавиным и Глебом Глинкой в Вермонте
© Фото : предоставлено Сергеем Коковкиным
Сергей Коковкин с Фазилем Искандером, Булатом Окуджавой, поэтом Наумом Коржавиным и Глебом Глинкой в Вермонте

Сергеи Коковкин изы Искандер ирҿиара адырра хацыркхеит "Созвездие козлотура" ала. Усҟан адраматург аус иуан Санкт-Петербург, Акомедиатә театр аҟны.

"Ҳара аповест ҳшаԥхьазҵәҟьа ақәыргылара ҳҭаххеит. Арепетициақәагьы нап рылаҳкхьан, аха мап ҳцәыркит. Искандер ихьӡ акәзар ҳгәаҵаҿ иаанхеит", ҳәа еиҭеиҳәоит Сергеи Коковкин.

Искандери Сергеи Борис-иԥеи раԥхьатәи реиԥылара мҩаԥысит Внуково, ашәҟәыҩҩцәа Рырҿиара Аҩнаҟны. Убри инаркны аиҩызара бзиа рыбжьалеит, ҭаацәала еиҭанеиааиуа иалагеит.

"Ҳдачаҟны еизон актиорцәа, ашәҟәыҩҩцәа, амузыкантцәа: Окуджава, Ахеджакова, Юрски, Филиппенко, Покровскаиа, Терехова, Лановои, Купченко, Аросева, Будницкаиа… Фазиль дыхәмаруа "Внуковские придурки" ҳәа ҳзиҳәон. Искандер ҳаиқәшәарақәа раан ажәеинраалақәа дрыԥхьон. Ашәа ҳҳәон, аспектакльқәа ықәҳаргылон. "Вишневыи сад" аҟны Фазиль Амҩасҩы ироль дыхәмаруан", ҳәа игәалаиршәоит Сергеи Коковкин.

Усҟантәи аамҭақәа рзы Коковкин амашьына ааихәан арныҟәашьа аҵара даҿын. Раԥхьатәи ипассаџьырцәа дреиуан Фазиль Искандер.

Супруги Сергей Коковкин и Анна Родионова с дочерью
© Sputnik / Сергей Самохин
Супруги Сергей Коковкин и Анна Родионова с дочерью

Аиҩызцәа ҩынтә США еиццахьан. Уаҟоуп Искандер иахьизцәырҵыз "Ихәыцуа Урыстәылеи" америкауаҩи ирызку ажәабжь аидеиа. Сергеи Коковкин насшәа иара иалхны аспектакль ықәиргылеит.

"Сара абри ажәабжь ала апиеса анызыҩуаз автор егьырҭ ирҿиамҭақәагьы адызгалеит. Александр Ширвиндт, Михаил Державин, сара даара гәахәарыла аус еицаауан. Акомедиатә спектакль иахьӡаҳҵеит "Привет от Цюрупы!" – иҳәеит арежиссиор.

Асовет аамҭақәа раан Сергеи Борис-ԥа иԥшәмаԥҳәыс Анна Родионова "Созвездие Козлотура" лхы-лыԥсы аҭаны аԥхьара бзиа илбон.

Искандери дареи изныкымкәа Пицундаҟа ԥсшьара еицаалон, Америкаҟа еиццалон, Переделкино ма Москва еиқәшәалон.

Анна Борис-иԥҳа иазгәалҭоит Фазиль Искандер иажәеинраалақәа бзиа ишылбо. Урҭ рыбжак матанеирак еиԥшны акырынтә ишеиҭалҳәо, аиҳарак иан, уахь нарцәыҟа днамышьҭуа лыбзиабара ду ала абри адунеи аҟны дахьаанылкыло.

Фазиль Абдулович Искандер с Сергеем Коковкиным и Анной Родионовой и студентами их Мастерской в день рождения писателя 6 марта 2016 года в Культурном Центре Фазиля Искандера в Москве.
© Фото : предоставлено Сергеем Коковкиным
Фазиль Абдулович Искандер с Сергеем Коковкиным и Анной Родионовой и студентами их Мастерской в день рождения писателя 6 марта 2016 года в Культурном Центре Фазиля Искандера в Москве.

Арежиссиор игәаанагарала Фазиль ипроза аекран ахьгьы асцена ахьгьы аиагара алшом.

"Фазиль ипроза еиҭаҳәашьа амам, иара аиумор, аирониа, ахазынарақәа зегьы ыӡуеит аиҭаҳәараан. "О, Марат!" аҟны апроза аԥхьатәины инҳажьит. Маратаагьы хәҩык ҳамоуп, избанзар дарбанызаалак ахаҵа, маҷк акәзаргьы д-Маратуп", ҳәа иҳәоит Фазиль иҩыза.

Арежиссиорцәа уаҳа иӡыррымгеит ахәаԥшцәа аҩаша ахәылбыҽха аурыс драматә театр аҟны ирбараны иҟоу.

Атемақәа:
Ҳара ҳ-Фазиль (17)

Ихадоу атемақәа