АҞӘА, нанҳәа 2 – Sputnik, Владимир Бегунов. Рауль Ҳаџьымба имҩаԥигеит аилацәажәара, Фазиль Искандер ихьӡ анаӡаӡатәразы.
Аилацәажәараҟны Ахада иабжьгаҩ Владимир Занҭариа иазгәеиҭеит ашәҟәыҩҩы ихьӡ ақалақь амҩақәа руак ишахҵатәу, ибаҟагьы шықәыргылатәу, ҳәа аанацҳауеит асаит.
Уи адагьы Владимир Занҭариа ажәалагала ҟаиҵеит Фазиль Аҟәатәи иҩны иара ирҿиара абзиабаҩцәа ахьнеиша ҭыԥны иҟаҵазарц.
Мгәыӡырхәа ақыҭантәи арҿиаҩы иҩны акәзар, Фазиль Искандер ихьӡ зху Ацентр ҳәа ашьақәыргылара азыԥхьагәаҭоуп.
Иаԥҵоуп ашәҟәыҩҩы игәалашәара анаӡаӡатәразы аусутә комиссиа.
