18:01 19 Жьҭаара 2018
Ишиашоу ицо аефир
  • USD65.81
  • EUR75.32
Зрительный зал драмтеатра. Архивное фото.

"Шьапыла" Аԥсуа драматә театр аҿы раԥхьаӡакәны иқәдыргылоит

© Sputnik Илона Хварцкия
Аԥсны
Икьаҿу ахьарԥш аиура
1010

Польшатәи ашәҟәыҩҩы Славомир Мрожек ипиеса иалху аспектакль "Шьапыла" апримиера мҩаԥысраны иҟоуп Самсон Ҷанба ихьӡ зху Аԥсуа драматә театр асценаҟны аҩаша, абҵара ҩеижәижәба рзы.

АҞӘА, абҵара 28 – Sputnik, Бадри Есиава. Польшатәи ашәҟәыҩҩы Славомир Мрожек ипиеса иалху аспектакль "Шьапыла" апримиера мҩаԥысраны иҟоуп Самсон Ҷанба ихьӡ зху Аԥсуа драматә театр асценаҟны аҩаша, абҵара ҩеижәижәба рзы. Арепетициа хада мҩаԥысит ашәахьа, абҵара 28 рзы.

Атеатр асахьаркыратә напхгаҩы, аспектакль ақәыргылаҩ Валери Ақаҩба иажәақәа рыла аԥсуа хәаԥшыҩцәа раԥхьаӡа акәны ирыдгалоуп ари аспектакль.

"Ари апиеса адунеи атеатрқәа рдунеи иалалаз акоуп 6-7 шықәса раԥхьа иара ықәыргылан Санкт-Петербургтәи адраматә театр асценаҟны.  Иалкаан абри апиеса зықәургылеи ҳәа шәсазҵаауазар, апиеса атемақәа ируаку, аибашьра атема саргьы актиорцәагьы ибзианы иаадыруа, иаҳнырхьоу акоуп", — иҳәеит  Валери Ақаҩба.

Славомир Мрожек ипиесаҟны иҽазишәеит аҩбатәи адунеизегьтәи аибашьра анҵәамҭеи аполитикатә система ихацнаркыз аибашьреи ирыбжьанакыз аамҭа аарԥшра.

Ақаҩба игәаанагарала адрама автор хаҭала аибашьраантәии аибашьрашьҭахьтәии аамҭақәа ртмосфера  хаҭала ихигеит.

Аспектакль ақәыргылаҩ иҳәеит аусурақәа акыр мзқәа ишцоз, убри аамҭазы атруппа 35 репетициа шымҩаԥыргаз. Актиортә еилазаара иалоуп 20-ҩык рҟынӡа артистцәа, иаҳҳәап:  Темураз Чамагәуа, Кьесоу Ҳагба, Адгәр Малиа уҳәа егьырҭгьы. Иҟоуп актиорцәа ҿарацәагьы. Урҭ дыруаӡәкуп иара, Валери Ақаҩба иԥа Бенар Ақаҩбагьы.

Валери Ақаҩба иҳәеит агәрагара шимоу  аспектакль аҭыԥантәи ахәаԥшҩы игәаԥхап ҳәа.

Ихадоу атемақәа