Лука Гаделиа: апублика шеиуеиԥшым еиԥш ирыдугалогь еиуеиԥшымзароуп

© Фото : Алан ВоубаЛука Гаделиеи Кристина Ешԥҳаи рконцертқәа мҩаԥысит
Лука Гаделиеи Кристина Ешԥҳаи рконцертқәа мҩаԥысит - Sputnik Аҧсны
Анапаҵаҩра
Аԥсны аҳәынҭқарратә филармониа артистцәа Лука Гаделиеи Кристина Ешԥҳаи рконцертқәа мҩаԥысит ажьырныҳәа 18-25 рзы Челябинск, Киров, Пермь ақалақьқәа рҟны.

АҞӘА, ажьырныҳәа 31 – Sputnik, Бадраҟ Аҩӡба. Аконцертқәа рахь инеиуа апублика рҭахрақәа еиуеиԥшым. Урҭ зегьы аинтерес ззеицроуша ҳәа ҳара иҳаԥхьаӡеит аклассикатә музыка адагьы аконцерттә программақәа аромансқәа рылаҵара иҳәеит радио Sputnik аинтервиу азҭоз амузыкант Лука Гаделиа.

"Иаҳҭахыз ишаҳҭахыз еиԥш ишьақәҳаргылеит. Апрограммақәа еиԥшымызт. Иаҳҳәап, Киров ақалақь аҟны аконцертқәа ҩба мҩаԥаагеит. Апрограммақәа руак барокко аепоха иаҵанакуаз амузыкеи аромантизм амузыкеи рыла ишьақәгылан, аҩбатәи иалагалан аромансқәа", ҳәа еиҭеиҳәоит Гаделиа.

Аҩбатәи аконцерт аҿы Лука Гаделиа афортепиано дыхәмаруан, Кристина Ешԥҳа аклассикатә романсқәа лҳәон.

"Перми Челябински рҿгьы аконцертқәа ҩба-ҩба хәҭа рыманы ишьақәыргылан. Актәи ахәҭаҟны инаҳагӡон барокко аамҭа иатәу амузыка. Аҩбатәи ахәҭаҟны XX ашәышықәса амузыка. «Ахра ашәа» акәзар зегь гәахәарыла ишьҭырхит", — иҳәеит иара.

Челябинск, Киров, Пермь имҩаԥысуаз аконцертқәа ҟазара ҳаракыла еиҿкаан ҳәа азгәеиҭеит Гаделиа.

Ажәабжьқәа зегьы
0