Sputnik, Владимир Бегунов.
Рокфишинг – иахьа адунеи аҟны реиҳа аларҵәара змоу ԥсыӡкрахкуп.
Иара ззырхоу аԥсыӡкра акәӡам, аспорттә интерес ауп. Иара алахәылацәа аԥсыӡ аспиннинг ала аҟәараҟынтәи иркуеит.
Рокфишинг аԥҟаррақәа рыла иркуа аԥсыӡ ҩаԥхьа амшын ахь иоурышьҭуеит.
Аԥсны аԥсыӡкратәи ашәарыцаратәи спорт Афедерациа ахантәаҩы Альберт Бондаренко ишиҳәо ала уажәы ԥшьынтәуп рокфишинг азы Аԥсны ачемпионат мҩаԥысуеижьҭеи.
Иара мҩаԥысуеит шықәсык ахь ҩынтә: аԥхын алагамҭази анҵәамҭази.
Афедерациаҟны ишырҳәо ала уажәтәи ачемпионат рхы аладырхәит ҩеижәаҩык аԥсыӡкцәа. Аҳауатә ҭагылазаашьа акәзар, рацәак уаргәырӷьартә иҟамызт. Аԥҟарақәа рыла актәи атур мҩаԥысуеит х-сааҭк, ианшоу. Аҩбатәи атур – ианыхәлоу имҩаԥыргоит.
Альберт Бондаренко еиҭеиҳәоит:
"Актәи атур анымҩаԥысуаз амш бзиан, амра каххаа иԥхон, аҩбатәи атур аан ақәа алеира иалагеит, аԥша шьҭыҵит. Иара мҩаԥысуан асааҭ 21.00 — 00.00 рҟынӡа" ҳәа.
Афедерациа адырраҭарақәа рыла актәи аҭыԥ ааникылеит Руслан Ламчаа (Аҟәа), аҩбатәи – Сергеи Иарославцев (Новороссииск), ахԥатәи — Александр Городианкин (Аҟәа). Ақәыԥшцәа рыбжьара актәи аҭыԥ ааникылеит Руслан Сабуа (Гагра). Руслан Сабуа иоуп ачемпионат раԥхьатәи аԥсыӡ зкыз.
"Аԥышәа змоу аспортсменцәа ираԥигеит. Ари арԥыс ԥхьаҟа ақәҿиарақәа шиоуа удырыртә иҟоуп", — иҳәоит Бондаренко.
Руслан ари аиндаҭларахь ааира азин ирҭоит имшынҵа аныдирбалак ашьҭахь, усоуп егьырҭ ашкол иҭоу аҵаҩцәа рзгьы ԥҟараны иҟоу.
Руслан Сабуа ачемпионат далахәхарц азы хәбаҳәа мацара аҵара ҵара далагеит.
Аиааира згаз иранашьан еиуеиԥшымыз аҳамҭақәа.
