07:32 18 Жәабран 2019
Ишиашоу ицо аефир
  • USD66.70
  • EUR75.25
Премьера фильма Голоса большой страны

Ахԥатәи "Голос" алахәыла иконцерт Аԥсны имҩаԥысуеит

© Sputnik / Екатерина Чеснокова
Аԥсны
Икьаҿу ахьарԥш аиура
12 0 0

Илиа Киреев, ашоу "Голос" ахԥатәи асезон алахәыла, 2016 шықәсазы раԥхьаӡа акәны Аԥсны даҭаан дыҟан.

АҞӘА, жәабран 8 – Sputnik. Илиа Киреев, ашоу "Голос" ахԥатәи асезон алахәыла, 2016 шықәсазы раԥхьаӡа акәны Аԥсны даҭаан дыҟан. Уажәы иара Аҟәа аконцерт мҩаԥигараны дыҟоуп жәабран 23 рзы. Абри атәы Sputnik иазеиҭеиҳәеит ашәаҳәаҩ ихаҭа.

"Сконцерттә программа ҩ-хәҭакны ишоит: актәи ахәҭаҿы инасыгӡараны сыҟоуп ашоу "Голос" аҟынтәи ашәақәа, аҩбатәи ахәҭаҿы – схатәы композициақәа", — иҳәеит иара.

Ашәаҳәаҩ иазгәеиҭеит Аԥсны раԥхьа даныҟаз инаркны абзиабар шышьҭикааз.

"Сара раԥхьаӡа акәны Аԥсны аԥсабара анызба, сыхнахит. Сара бзиа избеит Аԥсны иадҳәалоу амифқәа, алегендақәа. Ҟазауҩык иҳасаб ала урҭ сара сыртәырымтәыр ауамызт", — иҳәеит Киреев.

Аԥсны арҿиаҩы изы амч ҷыда цәырызго тәыла ссируп ҳәа ахиҳәаауеит Киреев.

"Ҳәарада ара иҷыдоу аура змоу ҭыԥуп. Сара сзы арахь аара ныҳәоуп. Ҩышықәса раԥхьа Аԥсны саҭан, аҭыԥантәи апубликеи сареиҳаиԥылеит. Ҳаиԥыларагьы уаргәырӷьартә иҟан", — иҳәеит иара.

Илиа амузыкатә хылаԥшра ииҭон амузыкант Константин Купервеис. Ашәаҳәаҩ агәра игоит Купервеис ибзоурала зхаҭабзиара ҳараку амузыка азыӡырыҩрра дшалагаз.

"Сара зхаҭабзиара ҳараку амузыка азыӡырыҩрра салагеит. Уи угәаҵанӡа инаӡоит. Иара убасгьы анырра ду снаҭеит аџьазтә музыка. Уи сара сырҿиамҭақәа рҿгьы аҭыԥ ааннакылеит", — иҳәеит иара.

Илиа Киреев иконцерт мҩаԥысраны иҟоуп ақьафурҭа "Ерцаху" аҿы жәабран 23, асааҭ 20:00 рзы.

Аинформациатә маҵзуреи арадиои Sputnik Аԥсны ауснагӡатә аинформациатә дгылара анаҭоит.

Ихадоу атемақәа

  • Дырмит Габалыиа

    Аԥсуа сахьаркыратә литература иазааԥсахьоу ашәҟәыҩҩцәа акымкәа-ҩбамкәа ԥсра зқәым аҩымҭақәа нрыжьхьеит. Аха изеиԥшроузеи ашәҟәҩыра иаҵагыло абиԥара ҿыц? Иарбан литературоу урҭ иахьа иаԥырҵо, насгьы ахьысҳара абарныԥшуеи? Абарҭ азҵаарақәа дырзааҭгылеит апоет, ауаажәларратә усзуҩы Дырмит Габалыиа. Аиҿцәажәара мҩаԥигеит Аинар Ҷыҭанаа.

    25
  • Қьамиль Аҭрышба Кавказ Акультуратә дернеқь аҟны

    Ҭырқәтәыла, Ҳендеқь ақалақь аҟны еиҿкаау Кавказ акультуратә Дернеқь есыҽнытәи аусура дазааҭгыло, бжьышықәса раахыс уи еиҳабыс иахагылоу Қьамиль Аҭрышба иаҳзеиҭеиҳәеит хықәкы хадас ишрымоу ахатәы бызшәеи, аҵасқәеи, ақьабзқәеи реиқәырхара.

    458
  • Ал

    Аԥсуа баҳчаҿы зхатә ҭыԥ ылызххьоу алҵла аҭоурых дагәылаԥшны иаҳзеиҭалҳәеит Sputnik аколумнист Сусанна Ҭаниаԥҳа.

    110